Yes Bank: కొంగొత్త రికార్డులు.. ఐదో రోజూ మెరుపులే..!

దేశీ స్టాక్ మార్కెట్ మళ్లీ పరుగులు పెట్టింది. బెంచ్‌మార్క్ సూచీలు గురువారం కూడా లాభాలతో దూసుకెళ్లాయి. మార్కెట్ లాభాల్లో ముగియడం ఇది వరుసగా ఐదో రోజు కావడం గమనార్హం. ప్రభుత్వ రంగ బ్యాంక్, ఐటీ రంగ షేర్లు పరుగులు పెట్టడం మార్కెట్‌కు కలిసొచ్చింది. సెన్సెక్స్, నిఫ్టీ సూచీలు ఇంట్రాడేలో జీవిత కాల గరిష్ట స్థాయిలాను తాకాయి.

చివరకు సెన్సెక్స్ 77 పాయింట్ల లాభంతో 40,129 పాయింట్ల వద్ద, నిఫ్టీ 33 పాయింట్ల లాభంతో 11,878 పాయింట్ల వద్ద క్లోజయ్యాయి. సెన్సెక్స్ ఇంట్రాడేలో 340 పాయింట్ల మేర పెరిగింది. 40,392 పాయింట్ల ఆల్‌టైమ్ గరిష్ట స్థాయిని తాకింది. అదే సమయంలో నిఫ్టీ కూడా 158 పాయింట్లు లాభంతో 12,103 పాయింట్ల జీవిత కాల గరిష్టాన్ని ముద్దాడింది.

Also Read:

Stock Market Highlights..
✺ నిఫ్టీ 50లో యస్ బ్యాంక్, జీ ఎంటర్‌టైన్‌మెంట్, ఎస్‌బీఐ, గ్రాసిమ్, ఇన్ఫోసిస్ షేర్లు లాభాల్లో ముగిశాయి. యస్ బ్యాంక్ 24 శాతం ర్యాలీ చేసింది.

Also Read:

✺ అదేసమయంలో జేఎస్‌డబ్ల్యూ స్టీల్, ఐఓసీ, టాటా స్టీల్, యాక్సిస్ బ్యాంక్, టెక్ మహీంద్రా షేర్లు నష్టాపోయాయి. జేఎస్‌డబ్ల్యూ స్టీల్ 3 శాతం పడిపోయింది.

✺ నిఫ్టీ‌ సెక్టోరల్ ఇండెక్స్‌లన్నీ మిశ్రమంగా క్లోజయ్యాయి. నిఫ్టీ పీఎస్‌యూ బ్యాంక్ ఇండెక్స్ దాదాపు 4 శాతం పెరిగింది. నిఫ్టీ ఐటీ ఇండెక్స్‌ 1 శాతానికి పైగా పెరిగింది. నిఫ్టీ మీడియా ఇండెక్స్ కూడా 3 శాతానికి పైగా ఎగసింది. నిఫ్టీ ప్రైవేట్ బ్యాంక్, నిఫ్టీ మెటల్, నిఫ్టీ ఫైనాన్షియల్ సర్వీసెస్ ఇండెక్స్‌లు నష్టపోయాయి.

Also Read:

✺ అంతర్జాతీయ మార్కెట్‌లో క్రూడాయిల్ (ముడి చమురు) ధరలు తగ్గాయి. బ్రెంట్ క్రూడ్ ధర బ్యారెల్‌కు 0.07 శాతం తగ్గుదలతో 60.20 డాలర్లకు క్షీణించింది. డబ్ల్యూటీఐ క్రూడ్ ధర బ్యారెల్‌కు 0.20 శాతం క్షీణతతో 54.95 డాలర్లకు తగ్గింది.

✺ అమెరికా డాలర్‌తో పోలిస్తే ఇండియన్ రూపాయి స్వల్ప నష్టాల్లో ట్రేడవుతోంది. 10 పైసలు క్షీణతతో 71.00 వద్ద కదలాడుతోంది.

Also Read:

Leave comment

Your email address will not be published. Required fields are marked with *.