తెలంగాణలో టీఆర్టీ ద్వారా ఎస్జీటీ తెలుగు మీడియం పోస్టులకు నిర్వహించిన కౌన్సెలింగ్ ద్వారా 2,788 అభ్యర్థులు ఉద్యోగాలకు ఎంపికయ్యారు. టీఆర్టీ ద్వారా ఎంపికైన మొత్తం 3,127 మంది అభ్యర్థుల్లో 2,822 మంది ఉపాధ్యాయ ఉద్యోగాలకు అర్హత సాధించగా.. అక్టోబరు 28, 29 తేదీల్లో నిర్వహించిన కౌన్సెలింగ్ తర్వాత 2,788 మంది నియామక ఉత్తర్వులు అందుకున్నారు. ఈ మేరకు పాఠశాల విద్యాశాఖ కమిషనర్ టి.విజయ్‌కుమార్ ఒక ప్రకటనలో తెలిపారు.

Dont Miss:

34 మంది గైర్హాజరు
టీఆర్టీలో ఎంపికైనవారిలో 34 మంది కౌన్సెలింగ్‌కు హాజరు కాలేదని పాఠశాల విద్యాశాఖ కమిషనర్ టి.విజయ్‌కుమార్ తెలిపారు. ఉత్తర్వులు అందుకున్న ఉపాధ్యాయులు అక్టోబరు30న వారికి కేటాయించిన పాఠశాలల్లో రిపోర్టింగ్ చేయాల్సి ఉంటుందన్నారు. ఉమ్మడి జిల్లాల ప్రాతిపదికన మొత్తం 7 జిల్లాల్లో 34 మంది కౌన్సెలింగ్‌కు గైర్హాజరయ్యారు.

మహబూబ్‌నగర్, రంగారెడ్డి జిల్లాల నుంచి అత్యధిక అభ్యర్థులు కౌన్సెలింగ్‌కు హాజరుకాలేదు. మహబూబ్ నగర్‌లో 10 మంది, రంగారెడ్డి జిల్లాలో 9 మంది కౌన్సెలింగ్‌కు గైర్హాజరయ్యారు. ఇక ఖమ్మం జిల్లాలో రెండు పోస్టులు మాత్రమే ఉండగా.. ఇద్దరికి నియామక ఉత్తర్వులు జారీచేశారు.

Read Also:

తెలంగాణలో టీఆర్‌టీ (TRT) తెలుగు మీడియం ఫలితాలను అక్టోబరు 11న వెల్లడించిన సంగతి తెలిసిందే. టీఆర్టీలో ఎస్జీటీ తెలుగు మీడియంలో మొత్తం 3,786 పోస్టులకు గానూ 3,325 మంది అభ్యర్థులతో కూడిన ఎంపిక జాబితాను తెలంగాణ పబ్లిక్ సర్వీస్ కమిషన్ విడుదల చేసింది. వెబ్‌సైట్‌లో ఎంపిక జాబితాను అందుబాటులో ఉంచింది. అయితే వివిధ కారణాల వల్ల 461 పోస్టుల ఫలితాలను
పెండింగ్‌లో ఉంచింది.

వీటిలో కోర్టు వివాదం కారణంగా 117 పోస్టులకు అభ్యర్థులను ఎంపిక చేసినప్పటికీ ప్రకటించలేదు. మరోవైపు పాఠశాల విద్యాశాఖ నుంచి సమాచారం వచ్చాక దివ్యాంగుల కోటాలో 270 పోస్టుల ఫలితాలను ప్రకటించనున్నారు. అర్హులైన అభ్యర్థులు లభించని కారణంగా 74 పోస్టులను భర్తీ చేయలేదు. ఫలితాలు వెల్లడించిన 7 నెలల తర్వాత అభ్యర్థుల ఎంపిక జాబితాను కమిషన్ విడుదల చేసింది. ఏప్రిల్ 4న టీఆర్టీ ఫలితాలను టీఎస్‌పీఎస్సీ విడుదల చేసిన సంగతి తెలిసిందే. ఇప్పటికే టీఆర్టీకి సంబంధించి స్కూల్‌అసిస్టెంట్లు, లాంగ్వేజ్ పండిట్ పోస్టులకు ఎంపికైన అభ్యర్థులకు పోస్టింగ్స్‌ కూడా ఇచ్చారు.

Leave comment

Your email address will not be published. Required fields are marked with *.