Pension Fund శుభవార్త.. ఇకపై వారికి కూడా ఎన్‌పీఎస్ స్కీమ్‌లో చేరే ఛాన్స్..!

పెన్షన్ ఫండ్ రెగ్యులేటరీ అండ్ డెవలప్‌మెంట్ అథారిటీ (పీఎఫ్ఆర్‌డీఏ) తాజాగా అదిరిపోయే శుభవార్త తీసుకువచ్చింది. అయితే ఇది అందరికీ కాదు. ఓవర్సీస్ సిటిజన్స్ ఆఫ్ ఇండియా (ఓసీఐ) వారికి నేషనల్ పెన్షన్ సిస్టమ్ (ఎన్‌పీఎస్)లో చేరేందుకు అవకాశం కల్పించింది. దీంతో నాన్ రెసిడెంట్ ఇండియన్స్ (ఎన్ఆర్‌ఐ) మాదిరిగానే ఇప్పుడు ఓసీఐలు కూడా ఎన్‌పీఎస్‌లో చేరొచ్చు.

ఓవర్సీస్ సిటిజన్స్ ఆఫ్ ఇండియా (ఓసీఐ) కూడా పీఎఫ్‌ఆర్‌డీఏ నిర్వహణలోని నేషనల్ పెన్షన్ సిస్టమ్‌లో చేరొచ్చని కేంద్ర ప్రభుత్వం పేర్కొంది. దీంతో ఇప్పుడు ఓసీఐలు పీఎఫ్‌ఆర్‌డీఏ చట్టం ప్రకారం ఎన్‌పీఎస్ పథకంలో డబ్బులు ఇన్వెస్ట్ చేయవచ్చు. అలాగే యాన్యుటీ/ డిపాజిట్ చేసిన మొత్తాన్ని ఫెమా నిబంధనలకు లోబడి వారి దేశానికి తీసుకెళ్లొచ్చు కూడా.

Also Read:

ఎన్‌పీఎస్ పథకంలో ఇన్వెస్ట్ చేసే మొత్తానికి సెక్షన్ 80సీసీడీ (1బీ) కింద రూ.50,000 వరకు అదనపు ట్యాక్స్ డిడక్షన్ పొందొచ్చు. ఇది సెక్షన్ 80సీసీడీ (1) కింద పొందే రూ.1,50,00 డిడక్షన్‌కు అదనం. ఎన్‌పీఎస్ నుంచి డబ్బును విత్‌డ్రా చేసుకోవడం/మెచ్యూరిటీ సమయం/పథకం నుంచి వైదొలగడం వంటి సందర్భాల్లో పనన్ను మినహాయింపు పరిమితిని 2019 బడ్జెట్‌లో 40 శాతం నుంచి 60 శాతానికి పెంచారు. ఇక మిగిలిన 40 శాతం మొత్తంపై ఎలాగో పన్ను లేదు. ఈ మొత్తంతో కచ్చితంగా యాన్యుటీ ప్లాన్ కొనుగోలు చేయాల్సి ఉంటుంది.

Also Read:

ఎన్‌పీఎస్ స్కీమ్‌ను తొలిగా కేంద్ర ప్రభుత్వ ఉద్యోగులకు అందుబాటులోకి తీసుకువచ్చారు. తర్వాత రాష్ట్ర ప్రభుత్వ ఉద్యోగులకు కూడా ఈ పథకం అందుబాటులోకి వచ్చింది. అటుపైన దేశంలోని పౌరులందరికీ ఈ పథకంలో చేరే అవకాశం లభించింది.2015 అక్టోబర్ నుంచి ఎన్ఆర్ఐలకు కూడా సేవలు అందుబాటులోకి వచ్చాయి. ఇప్పుడు ఓవర్సీస్ సిటిజన్స్ ఆఫ్ ఇండియా వారికి కూడా ఎన్‌పీఎస్ అందుబాటులోకి వచ్చింది.

Also Read:

Leave comment

Your email address will not be published. Required fields are marked with *.