Mutual Fundsలో డబ్బులు పెడితే.. వచ్చే లాభాలేంటి?

మ్యూచువల్ ఫండ్స్ గురించి ప్రత్యేకంగా చెప్పాల్సిన అవసరం లేదు. ఇటీవల కాలంలో వీటిల్లో ఇన్వెస్ట్ చేసే వారు క్రమంగా పెరుగుతూ వస్తున్నారు. ప్రజల్లో మ్యూచువల్ ఫండ్స్‌పై అవగాహన పెరగడం ఇందుకు కారణంగా చెప్పుకోవచ్చు.

మ్యూచువల్ ఫండ్స్‌లో కనీసం రూ.500 నుంచి కూడా ఇన్వెస్ట్ చేయవచ్చు. ఇలా ప్రతి నెలా ఇన్వెస్ట్ చేస్తూ వస్తే దీర్ఘాకాలంలో అదిరిపోయే రాబడి పొందొచ్చు. దీనికి కాంపౌండింగ్ ప్రయోజనం కారణం. ఆర్థిక లక్ష్యాల సాకారానికి మ్యూచువల్ ఫండ్స్ కూడా మంచి ఆప్షన్ అని చెప్పుకోవచ్చు.

మార్కెట్‌లో చాలా మ్యూచువల్ ఫండ్ స్కీమ్స్ అందుబాటులో ఉన్నాయి. వీటిల్లో మనం డబ్బు ఇన్వెస్ట్ చేయాల్సి ఉంటుంది. మన డబ్బులను ఫండ్ మేనేజర్లు మేనేజ్ చేస్తారు. వీళ్లు డబ్బులను వివిధ రకాల ఇన్వెస్ట్‌మెంట్ సాధనాల్లో ఇన్వెస్ట్ చేస్తారు. బాండ్లు, స్టాక్స్, బంగారం వంటి తదితర వాటిల్లో పెట్టుబడిగా పెడతారు. వీటిల్లో వచ్చే లాభాన్ని లేదా నష్టాన్ని ఇన్వెస్టర్లకు పంచుతారు.

మ్యూచువల్ ఫండ్స్‌ను మూడు రకాలుగా విభజించుకోవచ్చు. డెట్ ఫండ్స్, ఈక్విటీ ఓరియెంటెడ్ ఫండ్స్, హైబ్రిడ్ ఫండ్స్ అనేవి ఇవి. డెట్ ఫండ్స్‌లో చేరితే మన డబ్బులు గవర్నమెంట్ సెక్యూరిటీస్, కార్పొరేట్ బాండ్లలో ఇన్వెస్ట్ చేస్తారు. ఇందులో రిస్క్ తక్కువగా ఉంటుంది. ఆమోదయోగ్యమైన రాబడి పొందొచ్చు.

ఈక్విటీ ఫండ్స్ విషయానికి వస్తే ఇక్కడ డబ్బులను స్టాక్స్‌లో ఇన్వెస్ట్ చేస్తారు. మూలధనాన్ని పెంచుకునేందుకు ఇవి దోహదపడతాయి. వీటిల్లో రిస్క్ ఎక్కువగా ఉంటుంది. రాబడి కూడా ఎక్కువగానే పొందొచ్చు. హైబ్రిడ్ ఫండ్స్‌లో ఈక్విటీలు, ఫిక్స్‌డ్ ఇన్‌కమ్ సెక్యూరిటీస్‌లో సమానంగా ఇన్వెస్ట్ చేస్తారు.

Also Read:

ఫండ్స్‌లో డబ్బు ఇన్వెస్ట్ చేయడం వల్ల మీ డబ్బుల బాధ్యతను ఫండ్ మేనేజర్లు తీసుకుంటారు. వీరికి అపారమైన అనుభవం ఉంటుంది. దీంతో మీ డబ్బుకు రాబడి అందించడమే లక్ష్యంగా వారు పనిచేస్తారు. అదే మీరే డైరెక్ట్‌గా ఇన్వెస్ట్‌మెంట్ సాధనాల్లో పెట్టుబడి పెడితే వాటి నిర్వహణ కొంత కష్టంగా, గందరగోళంగా ఉండొచ్చు.

Also Read:

మ్యూచువల్ ఫండ్స్ వల్ల మీ ఇన్వెస్ట్‌మెంట్లు డైవర్సిఫైడ్ అవుతాయి. అంటే మీకు రిస్క్ తక్కువగా ఉంటుంది. ఒకే దానిలో డబ్బులు పెడితే ఏకరీతిలో అవి పోవచ్చు. లేదంటే రావొచ్చు. అదే వివిధ సాధనాల్లో డబ్బు పెడితే ఒక దానిలో నష్టం వచ్చిన మరో దానిలో లాభం రావడం వల్ల నష్ట భయం పెద్దగా ఉండదు.

Also Read:

ఇక్కడ ఒక విషయం గుర్తుకు పెట్టుకోవాలి. మ్యూచువల్ ఫండ్స్ కచ్చితమైన రాబడిని హామీ ఇవ్వవు. మార్కెట్ పనితీరు ప్రాతిపదికన ఇన్వెస్టర్లకు వచ్చే లాభనష్టాలు ఆధారపడి ఉంటాయి. మార్కెట్ బుల్ రన్‌లో ఉంటే అదిరిపోయే రాబడి వస్తుంది. లేదంటే లేదు. కొన్ని సందర్భాల్లో మీరు పెట్టిన డబ్బులు కూడా మీకు రాకపోవచ్చు. అందువల్ల ఫండ్స్‌లో కూడా డబ్బు పెట్టేటప్పుడు కొంత రీసెర్చ్ చేయడం మంచిది.

Also Read:

Leave comment

Your email address will not be published. Required fields are marked with *.