mulugu calendar november 2019: ములుగు నవంబరు క్యాలెండర్.. పండగలు, ప్రత్యేకతలు

భారతీయులు గ్రీకేరియన్ క్యాలెండర్‌ను అనుసరించినా శుభకార్యాలు, పండగలు, వ్రతాలు లాంటి వాటి విషయానికి వస్తే సంప్రదాయ కాలగణన సాధనాన్నే పరిగణనలోకి తీసుకుంటాం. దీన్నే ‘పంచాంగం’ అని అంటారు. తిథి, వారం, నక్షత్రం, కరణం, యోగం.. ఈ ఐదింటి కలయికే పంచాంగం.. పంచ అంగాల కలయిక కాబట్టి దీనిని పంచాంగం అన్నారు. దుర్ముహూర్తాలు, శుభముహూర్తాలు గురించి ఇది తెలియజేస్తుంది. పంచాంగం తయారికి లేదా కాలగణనకు అనేక పద్దతులు ఉన్నా ప్రస్తుతం మాత్రం రెండు విధానాలే అమల్లో ఉన్నాయి. అవి ‘సూర్యమానం’, ‘చంద్రమానం’.

చంద్రుని సంచరణతో అనుసంధానమైంది చాంద్రమాన పంచాగం, సూర్యుని సంచరణతో అనుసంధానమైంది సూర్యమాన పంచాంగం. తెలుగువారు చంద్రమానాన్నే అనుసరిస్తారు. కాబట్టి చంద్రమానం ప్రకారం తెలుగు సంవత్సరాది ఛైత్రంతో ప్రారంభమై, ఫాల్గుణంతో పూర్తవుతుంది. చంద్రుడు వివిధ నక్షత్రాల్లో సంచరించే స్థితిని బట్టి దీన్ని చాంద్రమానం అంటారు.

ఇక తెలుగు రాష్ట్రాల్లో వివిధ పండితుల పంచాంగాలు మార్కెట్‌లో లభించినా, ములుగు సిద్ధాంతిగారి పంచాంగానికి ఓ ప్రత్యేకత ఉంది. ములుగు రామలింగేశ్వర వరప్రసాదు సిద్ధాంతిగారి పంచాంగంలో తిథి, వార, వర్జ్యాలు, శుభమూహూర్త, దుర్ముహూర్తాల గురించి సరైన సమాచారం ఉంటుంది. గ్రెగేరియన్ క్యాలెండర్‌తోపాటు చంద్రమానాన్ని అనుసరించి రోజువారీ, నెలవారీ, వార్షిక పంచాంగాన్ని రూపొందిస్తారు. ములుగు సిద్ధాంతిగారి ఆగస్టు పంచాంగం ప్రకారం ఈ నెలలో పండుగలు, శుభకార్యాలు, తిథులు, దుర్ముహూర్తాలు, వర్జ్యాల గురించి పూర్తి సమాచారం ఉంటుంది. నవంబరు నెల కార్తీక శుక్లపక్ష పంచమి శుక్రవారంతో ప్రారంభమై మార్గశిర శుక్లపక్ష చవితితో ముగుస్తుంది. తెలుగు నెలల క్రమంలో కార్తీకం ఏడో మాసం.

కార్తీకమాసం శివకేశవులకు ప్రీతికరమైంది. కార్తీక మాసంతో సమామైన మాసం, కృతయుగంతో సమానమైన యుగం, వేదంతో సమానమైన శాస్త్రం, గంగా తీర్థంతో సమానమైన తీర్థం’ లేదని వేదవ్యాసుడు కార్తీక మాసాన్ని కీర్తించాడు. పండుగలు, వ్రతాలు, నోములు, పూజలకు ఇది ఎంతో ప్రత్యేకమైంది. ఈ మాసంలోనే నాగులచవితి, భగినీహస్త భోజనం, క్షీరాబ్ది ద్వాదశి, దేవ దీపావళి తదితర పండుగలు ఉన్నాయి. ఆషాడ శుద్ధ ఏకాదశి నాడు యోగనిద్రలోకి వెళ్లిన శ్రీమహావిష్ణువు కార్తీక శుద్ధ ఏకాదశి నాడే మేల్కొంటారు.

Click Here:

Leave comment

Your email address will not be published. Required fields are marked with *.