IND vs BAN 1st T20: ప్రమాదం అంచున క్రికెటర్లు.. వేదిక మార్పునకి బీసీసీఐ నో

భారత్, బంగ్లాదేశ్ మధ్య ఆదివారం రాత్రి జరగనున్న తొలి టీ20పై ఉత్కంఠ కొనసాగుతోంది. ఢిల్లీలోని అరుణ్ జైట్లీ (ఫిరోజ్ షా కోట్ల) స్టేడియం వేదికగా రాత్రి 7 గంటలకి మ్యాచ్ ప్రారంభంకానుండగా.. దీపావళి తర్వాత ఢిల్లీలో కాలుష్యం పతాక స్థాయికి చేరింది. దీంతో.. ఢిల్లీలో నివసించే వారు కనీస జాగ్రత్తలు తీసుకోకుండా కనీసం ఇంటి వెలుపలికి కూడా వెళ్లొద్దని నిపుణులు హెచ్చరిస్తున్నారు. ఈ నేపథ్యంలో.. తొలి టీ20 మ్యాచ్ జరగడంపై అనుమానాలు నెలకొన్నాయి.

Read More:


దీపావళి రెండు రోజుల ముందు వరకూ ఢిల్లీలో కాలుష్యం 300-350 పాయింట్లతో ఉండగా.. బుధవారం ఉదయం 11 గంటలకి అది 416 పాయింట్లకి చేరింది. ఈ స్థితిలో ఔట్‌డోర్ స్పోర్ట్స్ చాలా ప్రమాదమని వైద్యులు హెచ్చరిస్తున్నారు. 2017లో ఇలానే ఢిల్లీ వేదికగా భారత్‌తో టెస్టు మ్యాచ్ ఆడిన శ్రీలంక క్రికెటర్లు.. కాలుష్యం కారణంగా మైదానంలోనే వాంతులు చేసుకున్న విషయం తెలిసిందే. ఆ మ్యాచ్ ముగిసే వరకూ కొంత మంది క్రికెటర్లు మాస్క్‌లు ధరించాల్సి వచ్చింది.

Read More:

ఢిల్లీ పరిసరాల్లో కాలుష్యం ప్రమాద స్థాయికి చేరి ఉండటంతో.. మ్యాచ్ వేదికని మార్చాలని కొంత మంది మాజీ క్రికెటర్లు సూచిస్తున్నారు. కానీ.. భారత క్రికెట్ నియంత్రణ మండలి (బీసీసీఐ), ఢిల్లీ డిస్ట్రిక్ట్ క్రికెట్ అసోషియేషన్ (డీడీసీఏ) మాత్రం వేదిక మార్పునకి ససేమేరా అంటున్నాయి. దీంతో.. ఇదే కాలుష్యంలో క్రికెటర్లు మ్యాచ్‌ ఆడితే.. అనారోగ్యం పాలయ్యే ప్రమాదం ఉందని నిపుణులు హెచ్చరిస్తున్నారు.

Read More:

Leave comment

Your email address will not be published. Required fields are marked with *.