Dowry Harassment: సెప్టెంబర్‌లో పెళ్లి… అక్టోబర్‌లో ఆత్మహత్య

అదనపు కట్నం వేధింపులకు నవ వధువు ప్రాణాలు కోల్పోయిన ఘటన అంబర్‌పేట్ పరిధిలో విషాదం నింపింది. బాపూనగర్‌కు చెందిన షేక్ అబ్దుల్ రసూల్ తన కుమార్తె మోబిన్ ఖలీదా(32)ని చాంద్రాయణగుట్టకు చెందిన మహ్మద్ సాబె‌ర్‌‌కిచ్చి సెప్టెంబర్ నెలలో వివాహం జరిపించాడు. పెళ్లి సమయంలో 12తులాల బంగారం, 30 తులాల వెండి కట్నంగా ఇచ్చారు.

Also Read:

అయితే అత్తింట్లో అడుగుపెట్టినప్పటి నుంచి ఖలీదాకు అదనపు కట్నం వేధింపులు మొదలయ్యాయి. అత్తమామలు సూటిపోటి మాటలతో ఆమెను వేధించసాగారు. మరికొంత కట్నం తీసుకురావాలని, ఇల్లు కొనివ్వాలంటూ ఒత్తిడి తీసుకొచ్చారు. భర్త సైతం తల్లిదండ్రులకే వత్తాసు పలకడంతో ఖలీదా అత్తింట్లో ఉండలేక ఈ నెల 27వ తేదీన పుట్టింటికి వచ్చేసింది.

Also Read:

అత్తమామల వేధింపులపై తల్లిదండ్రులకు చెప్పుకుని బోరుమంది. ఈ నేపథ్యంలోనే సోమవారం రాత్రి ఖలీదా గదిలో ఉరేసుకుని ఆత్మహత్య చేసుకుంది. మృతురాలి కుటుంబసభ్యుల ఫిర్యాదు ఆధారంగా అంబర్‌పేట పోలీసులు కేసు నమోదు చేసుకుని దర్యాప్తు చేపట్టారు. పెళ్లయిన నెల రోజులకే ఖలీదా కట్నం వేధింపులకు బలి కావడంతో ఆమె కుటుంబంలో తీవ్ర విషాదం నెలకొంది.

Also Read:

Leave comment

Your email address will not be published. Required fields are marked with *.