Cognizant ఉద్యోగులకు భారీ షాక్.. ఏకంగా 13,000 మందిని ఇంటికి పంపేందుకు రంగం సిద్ధం!

న్యూజెర్సీ కేంద్రంగా కార్యకలాపాలు నిర్వహిస్తున్న టెక్ దిగ్గజం కాగ్నిజెంట్ ఉద్యోగులకు భారీ షాకిచ్చింది. ఏకంగా 13 వేల మంది ఉద్యోగులను ఇంటికి పంపించేందకు రంగం సిద్ధం చేసుకుంటోంది. వచ్చే కొన్ని త్రైమాసికాల్లో వీరందరినీ ఉద్యోగాల నుంచి తొలగించనుంది.

కాగ్నిజెంట్ ఆర్థిక ఫలితాల వెల్లడి తర్వాత అనలిస్ట్‌లతో సమావేశం నిర్వహించింది. ప్రస్తుత సిబ్బంది నుంచి 13,000 మంది ఉద్యోగులను తొలగించాలని నిర్ణయం తీసుకుంది. కంపెనీ ఇప్పటికే 7,000 మందిని కంపెనీ నుంచి వెళ్లిపోవాలని కోరినట్లు తెలుస్తోంది. అలాగే కాగ్నిజెంట్ కంటెంట్ మోడరేషన్ బిజినెస్ నుంచి వైదొలగాలని భావిస్తోంది. దీంతో మరో రూ.6,000 మందిపై ప్రభావం పడనుంది.

Also Read:

‘కంపెనీ 10,000-12,000 మందిని తొలగించాలని భావిస్తోంది. అయితే ఇందులో 5,000 మందికి రి-స్కిల్స్ ఇచ్చి మళ్లీ ఇతర రోల్స్‌లో కొనసాగించే అవకాశముంది. అంటే స్థూలంగా చూస్తే కంపెనీలో 5 వేల నుంచి 7,000 వరకు ఉద్యోగులపై ప్రభావం పడొచ్చు. కంపెనీ మొత్తం సిబ్బందిలో ఇది 2 శాతానికి సమానం’ అని కంపెనీ ఎగ్జిక్యూటివ్స్ తెలిపారు. ఫేస్‌బుక్ వంటి క్లయింట్లకు అందించే కంటెంట్ మోడరేషన్ బిజినెస్ నుంచి వైదొలగాలని కంపెనీ భావిస్తోంది. మోడరేటర్స్ వర్కింగ్ ఎన్విరాన్‌మెంట్‌‌ను నిశితంగా గమనించిన కంపెనీ.. దీని వల్ల వారి మెంటల్ హెల్త్‌పై ప్రతికూల ప్రభావం పడుతోందని పేర్కొంది.

Also Read:

కంటెంట్ మోడరేషన్ బిజినెస్ నుంచి నిష్క్రమించడం వల్ల దాదాపు 6,000 మంది ఉద్యోగాలు పోవచ్చని, అయితే ఇతర వెండర్లతో చర్చించి వీరిపై దాదాపు ప్రతికూల ప్రభావం పడకుండా చూసుకుంటామని కంపెనీ తెలిపింది.

Also Read:

ఇకపోతే కాగ్నిజెంట్ కంపెనీలో 2019 జూన్ 30 నాటికి ఏకంగా 2,88,200 మంది ఉద్యోగులు పనిచేస్తున్నారు. గతేడాదితో పోలిస్తే ఉద్యోగుల సంఖ్య 7 శాతం పెరిగింది. గతేడాది ఉద్యోగులు 2,68,900గా ఉన్నారు. ఇక 2018 చివరి నాటికి చూస్తే కంపెనీ ఉద్యోగుల సంఖ్య 2,81,600గా ఉంది. కంపెనీ ఉద్యోగుల్లో దాదాపు 64 శాతం అంటే 1,94,700 మంది భారత్‌లోనే ఉన్నారు.

Also Read:

Leave comment

Your email address will not be published. Required fields are marked with *.