Bank Holidays 2019: నవంబర్ నెలలో బ్యాంక్ సెలవులు ఇవే!

న‌గ‌దు వ్యవహారాలు ఈ రోజుల్లో ప్రతి ఒక్కరికీ అవ‌స‌రం. బిజినెస్ వ్యవహారాలు న‌డిపే వారికి బ్యాంకుల్లో చెక్కులు డిపాజిట్ చేయ‌డం, డీడీలు జ‌మ చేయ‌డం వంటివి ఉన్నందున దాదాపు ప్రతి ప‌ని దినమూ ముఖ్యమే. కొన్ని సందర్భాల్లో బ్యాంకు సెల‌వుల దృష్ట్యా ముందు జాగ్రత్తలు తీసుకోవాల్సి ఉంటుంది. ఈ క్రమంలోనే వచ్చే నెల (నవంబర్)లో బ్యాంకులకు ఎప్పుడెప్పుడు సెలవులు ఉన్నాయో ముందుగానే తెలుసుకోవడం మంచిది.

ఆంధ్రప్రదేశ్, తెలంగాణ రాష్ట్రాల్లో నవంబర్ నెలలోని రెండు, నాలుగో శనివారాలైన 9, 23 తేదీల్లో బ్యాంకులు పనిచేయవు. ఇకపోతే నవంబర్ నెల‌లో వ‌చ్చే నాలుగు ఆదివారాలు 3, 10, 17, 24 తేదీల్లో ఎలాగూ బ్యాంకులకు సెలవు.

Also Read:

Also Read:

వీటికి అదనంగా బ్యాంకు ఉద్యోగులకు మరో ఒక రోజు మాత్రమే సెలవు లభించింది. నవంబర్ 12వ తేదీ మంగళవారం గురు నానక్ జయంతి సందర్భంగా బ్యాంకులు పనిచేయవు. తెలంగాణలో మాత్రమే ఈ సెలవు వర్తిస్తుంది. ఏపీలో మాత్రం ఈ రోజు సెలవు లేనట్లు తెలుస్తోంది. అలాగే నవంబర్ 10 ఆదివారం రోజున ఈద్ ఇ మిలాద్ పండుగ ఉంది. ముస్లింలకు ఇది పర్వదినం. ఈ రోజునే మహమ్మద్ ప్రవక్త జన్మించారు.

Also Read:

ఇకపోతే బ్యాంకులకు సెలవులు ఉన్నా కూడా నెట్ బ్యాంకింగ్ చేసేవారికి మాత్రం ఎటువంటి ఆటంకాలు ఉండ‌వు. ఆన్‌లైన్, డిజిటల్‌ లావాదేవీలు యథావిథిగా కొనసాగుతాయి. ఏదేమైనా ఎప్పుడైనా బ్యాంక్ సెల‌వు ఉంటే.. అప్పుడు ఆయా రోజుల్లో ఏదైనా న‌గ‌దు లావాదేవీ వ్యవహారాలు ప్లాన్ చేసి ఉంటే దానికి త‌గ్గట్లుగా ఇప్పటి నుంచే సిద్ధమవ్వడం మంచిది.

Also Read:

Leave comment

Your email address will not be published. Required fields are marked with *.