వెనకవైపు 5 కెమెరాలు.. ప్రధాన కెమెరా 108 మెగా పిక్సెల్.. Xiaomi కొత్త ఫోన్ ఇదే!

భారతదేశ నంబర్ వన్ స్మార్ట్ ఫోన్ బ్రాండ్ అయిన షావోమి మరో పవర్ హౌస్ ఫోన్ ను మార్కెట్లోకి తీసుకురావడానికి రంగం సిద్ధం చేసింది. ఇందులో ప్రధాన ఆకర్షణ ఏంటంటే.. ఈ ఫోన్ లో ఉన్న కెమెరానే. ప్రపంచంలోనే మొదటిసారి 108 మెగా పిక్సెల్ కెమెరాతో కూడిన స్మార్ట్ ఫోన్ ను షావోమి మార్కెట్లోకి తీసుకురానుంది.

ఎంఐ నోట్ 10 పేరిట ప్రపంచవ్యాప్తంగా ఈ ఫోన్ లాంచ్ కానుంది. చైనాలో మాత్రం ఎంఐ సీసీ9 ప్రో పేరిట లాంచ్ కానుందని టెక్ నిపుణులు అభిప్రాయపడుతున్నారు. ముందుగా చైనా మార్కెట్లో ఎంఐ సీసీ9 సిరీస్ పేరిట లాంచ్ చేసి అనంతరం ప్రపంచ మార్కెట్లో ఎంఐ నోట్ 10గా ఈ మొబైల్ రానుందని సమాచారం. ఇప్పటిదాకా వచ్చిన సర్టిఫికేషన్ లీక్స్ ప్రకారం చూసినప్పటికీ ఈ రెండిటికీ ఒకే మోడల్ నంబర్ ఉందని అంటున్నారు.

Also Read:

ఎంఐ నోట్ 10 టీజర్ ను కూడా షావోమి తాజాగా విడుదల చేసింది. ఈ టీజర్ ప్రకారం చూసుకున్నట్లయితే.. ప్రపంచంలోనే మొదటి 108 మెగా పిక్సెల్ కెమెరా, వెనకవైపు ఐదు కెమెరాలు అనే ఫీచర్లు తప్ప పెద్దగా ఇందులో ఏమీ తెలియజేయలేదు. కనీసం దీనికి సంబంధించిన లాంచ్ డేట్ ని కూడా వెల్లడించలేదు. అయితే ఎంఐ సీసీ9 ప్రో, ఎంఐ నోట్ 10 రెండు ఫోన్లు ఒకటేనని పుకార్లు షికార్లు చేస్తున్నాయి కాబట్టి.. ఈ రెండిటి ఫీచర్లు కూడా ఒకేలా ఉండే అవకాశం ఉంది. ఎంఐ సీసీ9 ప్రో ఫీచర్లను బట్టి చూసుకున్నట్లయితే.. ఎంఐ నోట్ 10లో ఉన్న ఐదు కెమెరాల్లో ప్రధాన కెమెరా సామర్థ్యం 108 మెగా పిక్సెల్ కాగా.. 20 మెగా పిక్సెల్ అల్ట్రా వైడ్ యాంగిల్ కెమెరా, టెలిఫొటో లెన్స్, 12 మెగా పిక్సెల్ పొర్ ట్రెయిట్ షూటర్ కూడా ఉండే అవకాశం ఉంది. ఈ టెలిఫొటో లెన్స్ కు 10x హైబ్రిడ్ జూమ్, 50x డిజిటల్ జూమ్ సామర్థ్యమున్నట్లు తెలుస్తోంది.

Also Read:

ఎంఐ సీసీ9 ప్రోలో క్వాల్ కాం స్నాప్ డ్రాగన్ 730G ప్రాసెసర్ ఉండే అవకాశముందని ఇంతకుముందే లీకులు వచ్చాయి. అయితే స్నాప్ డ్రాగన్ 855+ ప్రాసెసర్ ను అందించే అవకాశం కూడా ఉంది. ఈ ఫోన్ 6 జీబీ, 8 జీబీ, 12 జీబీ మూడు ర్యామ్ వేరియంట్లలో మార్కెట్లోకి రానున్నట్లు తెలిసింది. స్టోరేజ్ సామర్థ్యం 64 జీబీ, 128 జీబీ, 256 జీబీగా ఉండవచ్చు. 6.47 అంగుళాల డిస్ ప్లే, 5,170 ఎంఏహెచ్ బ్యాటరీతో కూడా ఇందులో ఉండనున్నాయి. బ్లాక్, బ్లూ, గ్రే, గ్రీన్, పింక్, పర్పుల్, రెడ్, వైట్ వేరియంట్లలో ఈ ఫోన్ అందుబాటులోకి రానుంది. దీని బరువు 208 గ్రాములుగా ఉండవచ్చు.

Also Read:

ఎంఐ సీసీ9 ప్రో చైనాలో నవంబర్ 5న లాంచ్ అవుతూ ఉండగా.. ఎంఐ నోట్ 10కు సంబంధించిన వివరాలు కూడా అప్పుడే తెలిసే అవకాశం ఉంది. ఇంతకుముందు వచ్చిన కొన్ని లీకుల ప్రకారం ఎంఐ నోట్ 10కు అప్ గ్రేడెడ్ వెర్షన్ గా ఎంఐ నోట్ 10 ప్రో కూడా మార్కెట్లోకి వచ్చే అవకాశం ఉంది. అయితే దానికి సంబంధించిన వివరాలేవీ ఇంకా బయటకు రాలేదు. షావోమి ముందుగా ఎంఐ నోట్ 10ను లాంచ్ చేసి.. అనంతరం ఎంఐ నోట్ 10 ప్రోను మార్కెట్లోకి తీసుకువచ్చే అవకాశం ఉంది. 91 మొబైల్స్ వెబ్ సైట్ లో తెలిపిన వివరాల ప్రకారం దీని ధర రూ.28,990గా ఉండే అవకాశం ఉంది.

Leave comment

Your email address will not be published. Required fields are marked with *.