‘మౌనరాగం’ అక్టోబర్‌ 31 ఎపిసోడ్‌ : అమ్ములుతో భరత్ ఛాలెంజ్! ‘అంకిత్‌ని చంపేస్తా..?’

అమ్ములు భరత్ నిజస్వరూపం తెలుసుకున్నప్పటి నుంచీ సీనయ్యకు నిజం చెప్పాలని ప్రయత్నించింది. కానీ సీనయ్య నమ్మేలా లేడని నిర్ణయించుకున్న అమ్ములు ఆ ప్రయత్నం మానుకుంది. పైగా అమ్ములు అంకిత్ కలవడానికి లక్కీ నిజం తెలుసుకోవడం కూడా కలిసి వచ్చింది. తెలుగు ప్రేక్షకులని ఎంతగానో ఆకట్టుకుంటున్న (అక్టోబర్‌ 31) ఎపిసోడ్‌ హైలైట్స్‌లో ఏం జరిగిందో మీ సమయంలో మీకోసం.

గత ఎపిసోడ్‌లో ఏం జరిగిందంటే…భరత్ వాళ్లకి సీనయ్య స్వాగతం చెప్పి.. అమ్ముల్ని పిలుస్తాడు. అమ్ములు వెళ్లగానే ‘భరత్ బాబు కాళ్లు కడుగు’ అంటాడు సీనయ్య. అమ్ములు అయిష్టంగానే భరత్ కాళ్లు కడిగి టవల్‌తో తుడుస్తుంది. అదంతా పైనుంచి చూసిన అంకిత్ చాలా ఇబ్బందిగా ఫీల్ అవుతాడు. భరత్ పైకి ఎక్కిన తర్వాత అంకిత్ చూసి షాక్ అవుతాడు. అయిష్టంగా, కోపంగా చూస్తూనే లోపలికి వెళ్లిపోతాడు. కాసేటికి భరత్ తల్లి అందరికీ చీరలు ఇవ్వగా.. భరత్ అమ్ములుకి గాజులు ఇస్తాడు. అది చూసిన సరయూ వెటకారంగా.. ‘నువ్వే వేయి భరత్ గాజులు నీకు కాబోయే భార్యకు’ అంటుంది వెటకారంగా.. దాంతో భరత్ గాజులు అంకిత్‌కి వేయబోతాడు. అయితే అమ్ములు భరత్‌ని ఆపుతుంది. ‘మొదట గాజులు దేవుడి దగ్గర పెడతాను’ అనే వంకతో చేతికి వేయించుకోకుండా తీసుకుంటుంది.

352 ఎపిసోడ్‌లో హైలైట్స్‌..‘గాజులు చేతికి వేయకుండా.. దేవుడి వంక చెప్పి తప్పించుకున్నావ్ కదే.. వదలను’ అనుకుంటాడు భరత్ మనసులో.. అమ్ములు దేవుడి ముందు పెట్టి దన్నం పెట్టుకుంటుంది. తర్వాత నీలవేణి వంట దగ్గర కూర్చుని ఆలోచిస్తూ ఉంటుంది. కాంతమ్మా.. ‘ఏం ఆలోచిస్తున్నావే.. అందరికీ వండి వార్చాలి.. లేదంటే కష్టం’ అనడంతో అంకిత్ తల్లి నందిని, భరత్ తల్లి సుమిత్ర ఒకరి తర్వాత ఒకరు వచ్చి సాయం చేస్తాం అంటారు. తర్వాత మాటల మధ్యలో నందిని సీనయ్యని అన్నయ్య అనడం, సీనయ్య నందినీని చెల్లెమ్మా అనడంతో అంతా(సరయూ, కళావతి తప్ప) హ్యాపీగా ఫీల్ అవుతారు.

Read Also:

కూరగాయలు అన్నీ ఉన్నాయి కానీ సొరకాయ లేదనడంతో నేను తెస్తానని బయలుదేరుతుంది అమ్ములు. అమ్ముల్తో మాట్లాడాలని అంకిత్ వెంటే ఎవరూ గమనించకుండా వెంటే వెళ్తాడు. సొరకాయ కోసుకొని వస్తుండగా అంకిత్ అమ్ములుకి అడ్డుపడతాడు. కొంటెగా చూస్తూ కొంటెగా మాట్లాడుతూ ఉంటే.. అమ్ములు చేయి పట్టుకుని పక్కకు లాక్కెళ్తుంది. ‘నిన్ను చావు దెబ్బ కొట్టి గోదావరిలో వేసింది భరత్‌‘ అంటూ సైగ చేస్తుంది కానీ అంకిత్‌కి అర్థం కాదు. దాంతో గతంలో తను గీసిన బొమ్మని చూపించి.. విషయం చెబుతుంది. దాంతో అంకిత్ షాక్‌ అవుతాడు. ‘ప్రాణ స్నేహితుడనుకున్న వాడు ఇంతకు తెగించాడా?’ అంటూ బాధపడతాడు.

అయితే అమ్ములు అంకిత్ మాట్లాడుకోవడం, వెనుక ఉన్న గదిలో భరత్ చాటుగా ఉండి మొత్తం వినేస్తాడు. ఇంతలో సీనయ్య అమ్ములు కోసం వెళ్లడం గమనించి.. అమ్ములు, అంకిత్‌లను సీనయ్య చూడకుండా కాపాడేందుకు పరుగుతీస్తుంది. మొత్తానికి అమ్ముల్ని వెతుక్కుంటూ వెళ్లిన సీనయ్యకు అక్కడ అమ్ములు, లక్కీలు మాత్రమే కనిపిస్తారు. అంకిత్ పక్కకు దాక్కుంటాడు. దాంతో అమ్ములు, అంకిత్‌లు లక్కీకి థ్యాంక్స్ చెబుతారు. ‘వదినా నువ్వు నా సొంత వదినవి కావడానికి ఇక నుంచి నేనూ ప్రయత్నిస్తాను’ అంటూ నవ్వుతుంది లక్కీ. అమ్ములు కూడా సమ్మతమే అన్నట్లుగా నవ్వుతుంది.

కమింగ్‌ అప్‌లో…నీ కళా ప్రదర్శనతో నేను ఎలాంటివాడినో అంకిత్ చూపించడం నేను చూశాను. తప్పు చేశావు అమ్ములూ. నేను ఎలాంటి వాడినో తెలుసుకుని తప్పు చేశావు. నువ్వు వాడికి ఎంత దగ్గరైతే వాడికి చావు అంత దగ్గరవుతుంది’ అంటాడు భరత్ అమ్ములుతో… అమ్ములు షాక్ అవుతుంది. వెంటనే సైగలతో ‘నువ్వు అంకిత్‌ని ఏం చేయలేవు. నేను ఉండగా తనని ఏం చేయలేవు’ అంటుంది. ఓకే మై డియర్ పార్వతీ.. అంకిత్ గాడ్ని ఎలా చంపాలో ప్లాన్ చేస్తాను. నా నుండి అంకిత్ గాడ్ని ఎలా కాపాడుకోవాలో నువ్వు ప్లాన్ చేసుకో’అంటాడు భరత్ ధీమాగా.. మరిన్ని వివరాలు తరువాయి భాగంలో చూద్దాం! మౌనరాగం కొనసాగుతోంది.

Leave comment

Your email address will not be published. Required fields are marked with *.