బంగారం, వెండి దీని ముందు దిగదుడుపే.. ఏకంగా రూ.15,000 పెరిగిన ధర!

బంగారం, వెండి.. మనకు తెలిసింది దాదాపు ఈ రెండింటి గురించే. ఈ ఏడాది వీటి ధర బాగా పెరుగుతూ వచ్చింది. అయితే వీటి కన్నా ఇటీవల కాలంలో మరో లోహం ధర భారీగా పెరిగింది. అదే పల్లాడియం. దీన్ని అత్యంత అరుదైన లోహంగా పరిగణిస్తారు.

గాలి కాలుష్యం పెరిగిపోతున్న నేపథ్యంలో ఎయిర్ క్వాలిటీ రూల్స్ కఠినతరం కావడంతో పల్లాడియం డిమాండ్ ఒక్కసారిగా పెరిగింది. ప్రస్తుతం పల్లాడియం ధర ఔన్స్‌కు 1,800 డాలర్ల సమీపంలో కదలాడుతోంది. మన కరెన్సీలో చూస్తే దీని ధర గ్రాముకు రూ.4,500 సమీపంలో ఉంది. బంగారం ధర ఔన్స్‌కు 1,500 డాలర్ల వద్ద ఉంది. ఇక వెండి ధర ఔన్స్‌కు 17 డాలర్ల సమీపంలో కొనసాగుతోంది.

Also Read:

పల్లాడియం లోహాన్ని వాహనాల్లో పొల్యూషన్ కంట్రోల్ డివైస్‌లలో ఉపయోగిస్తారు. ఈ ఏడాది పొల్లాడియం ధర ఏకంగా 40 శాతం పరుగులు పెట్టింది. సోమవారం రోజు పల్లాడియం ధర సింగపూర్ మార్కెట్‌లో ఏకంగా ఔన్స్‌కు 1,810 డాలర్లకు ఎగసింది. ఈ ఏడాది ఆరంభంలో పల్లాడియం ధర ఔన్స్‌కు 1,260 డాలర్ల సమీపంలో ఉంది. అంటే ఈ ఏడాదిలో దీని ధర ఏకంగా రూ.15,000 ర్యాలీ చేసింది.

Also Read:

ఒకవైపు కార్ల అమ్మకాలు పడిపోతూ వస్తున్నా కూడా చైనా, యూపర్‌లో కఠినతరమైన పర్యావరణ చట్టాల కారణంగా పల్లాడియం వినియోగం పెరుగుతోంది. అదేసమయంలో పల్లాడియం లభ్యత మాత్రం మార్కెట్‌లో తగ్గుతూ వస్తోంది. కాగా పల్లాడియం లోహం దక్షిణాఫ్రికా, రష్యాలోని గనుల్లో ఎక్కువగా లభ్యమౌతుంది.

Also Read:

Leave comment

Your email address will not be published. Required fields are marked with *.