పది మందితో యాంకర్ శ్యామల డేట్.. లిస్ట్ వదిలింది

‘ఏం చెప్పారు శ్యామల గారూ’.. ఇది ఆమెను పొగడటం కాదు కాని. ఇది ఆమె యూట్యూబ్ ఛానల్ పేరు. యాంకర్‌గా బిగ్ బాస్ కంటెస్టెంట్‌గా క్రేజ్ సంపాదించిన తనకు ఉన్న క్రేజ్‌ని క్యాష్ చేసుకునేందుకు ఈ మధ్య కాలంలో ‘ఏం చెప్పారు శ్యామల గారూ’ అనే యూట్యూబ్ ఛానల్‌కి రిబ్బర్ కటింగ్ చేసింది.

ఇందులో డిఫరెంట్ డిఫరెంట్ వీడియోలను షేర్ చేస్తూ గంట మోగించండి బాబులూ అంటూ ప్రచారం మొదలుపెట్టింది. అలా యూట్యూబ్ ఛానల్ స్టార్ట్ చేసి రెండు మూడు వీడియోలు షేర్ చేసేసరికి 20k సబ్‌క్రైబర్స్ వచ్చేశారు. దీంతో మరింతగా తన యూట్యూబ్ ఛానల్‌ని జనంలోకి తీసుకుని వెళ్లేందుకు తన బుర్రకు పదునుపెట్టి ఆడియన్స్‌కి ఓ కాంటెస్ట్ నిర్వహించింది శ్యామల.

దీపావళి సందర్భంగా ఓ రెండు వీడియోలను పోస్ట్ చేసింది.. ఆ రెండు వీడియోలలో బ్యాగ్రౌండ్‌లో మొదటి వీడియోకి రెండో వీడియోకు పది తేడాలు ఉన్నాయని.. ఆ పది వీడియోలను కనిపెట్టాలనేది కాంటెస్ట్. ఆ పది తేడాలని కనిపెట్టి కామెంట్స్ రూపంలో పేరు, మెయిల్ ఐడీని షేర్ చేస్తే వాటిలో కరెక్ట్‌గా చెప్పిన పది మంది లక్కీ విజేతలకు తనను ఒకరోజు కలిసే అవకాశాన్ని ఇస్తానని కాంటెస్ట్ పెట్టింది. నవంబర్ 4 న తన బర్త్ డే కావడంతో ఆ రోజున ఆ పదిమంది లక్కీ విజేతల్ని శ్యామల కలిసి వాళ్లతో లంచ్ చేసి బోలెడు కబుర్లు చెప్తానని బంపర్ ఆఫర్ ఇచ్చింది.

దీంతో ఆమె నిర్వహించిన కాంటెస్ట్ గడువు ముగియడంతో విజేతల్ని ప్రకటిస్తూ మరో వీడియో వదిలింది. ఇందులో తన బర్త్ డే రోజు కలుసుకోబోయే ఆ పది మంది లిస్ట్‌ను చదివి వినిపించింది. ‘ఏ డేట్ విత్ 10 పీపుల్స్’ అంటూ ఈ వీడియోను పోస్ట్ చేసింది శ్యామల. మొత్తానికి యాంకర్ శ్యామల మాటలతో ఆకట్టుకోవడమే కాదు.. ఆ మాటల్ని క్యాష్ చేసుకోవడంలో కూడా తన బిజినెస్ మైండ్‌ని ఈ రకంగా ఉపయోగిస్తోంది.

Leave comment

Your email address will not be published. Required fields are marked with *.