గర్ల్‌ఫ్రెండ్ కోరికలు తీర్చలేక ప్రియుడి ఆత్మహత్య.. మెసేజులు చూసి పోలీసులు షాక్!

ప్రపంచంలో అత్యంత ఘోరంగా వేధించే ప్రియురాళ్లకు ఏమైనా అవార్డులు ప్రకటిస్తే.. ఆమెకే దక్కుతుంది. కేవలం మాటలతోనే కాకుండా.. భౌతికంగానూ దాడికి పాల్పడుతూ.. ప్రియుడి మనసు వికలం చేసింది. గొంతమ్మ కోరికలను తీర్చాలంటూ.. మానసికంగా ఒత్తిడి తెచ్చింది. చివరికి అతడి ప్రాణాలను బలిగొంది.

దక్షిణ కొరియాకు చెందిన అలెగ్జాండర్ ఉర్తులా (22) అనే విద్యార్థి మసాచుసెట్స్‌లోని బోస్టన్‌ పార్కింగ్ గ్యారేజీ భవనం మీద నుంచి దూకి ఆత్మహత్య చేసుకున్నాడు. గ్రాడ్యుయేషన్ పార్టీలో పాల్గొన్న గంటన్నర తర్వాత ఈ నిర్ణయం తీసుకున్నాడు. ఈ కేసును విచారించిన పోలీసులు అతడి ప్రియురాలు ఇన్‌యంగ్ యు (21) కారణమని పేర్కొన్నారు. ఆమె అతడిని మానసికంగా, శరీరంగా వేధించిందని తెలిపారు.

అలెగ్జాండర్ మొబైల్ ఫోన్‌ను స్వాధీనం చేసుకున్న పోలీసులు. అందులోని మెసేజులు చూసి ఆశ్చర్యపోయారు. సుమారు 18 నెలలపాటు సాగిన వీరి ప్రేమలో ఎక్కువగా గొడవలే ఉన్నట్లు తేల్చారు. ఈ కేసును విచారించిన జిల్లా జడ్జి కూడా ఇదే విషయాన్ని ధృవీకరిస్తూ ఆమెపై హత్య నేరాన్ని నమోదు చేయాలని తీర్పు నివ్వడం గమనార్హం.

అలెగ్జాండర్ ఆత్మహత్య చేసుకున్న రోజున ఆమె అతడి మొబైల్ ఫోన్‌ను ట్రాక్ చేసిందని, అతడు చనిపోయే సమయానికి ఆమె అక్కడే ఉందని పోలీసులు తెలిపారు. ఆమె వేధింపులపై అలెగ్జాండర్ కుటుంబికులు కూడా ఫిర్యాదు చేశారని, క్లాస్‌మేట్స్ కూడా ఈ విషయాన్ని స్పష్టం చేశారన్నారు. గత రెండు నెలల్లో ఇద్దరూ 75 వేల టెక్ట్స్ మెసేజ్‌లు ఇచ్చిపుచ్చుకున్నారని, వాటిలో 47 వేల మేసేజులు ఆమె పంపినవే ఉన్నాయని తెలిపారు. నిత్యం తన డిమాండ్లు తీర్చాలంటూ మెసేజులు పంపేదని, బెదిరింపులకు కూడా పాల్పడేదన్నారు. ఈ వేధింపుల వల్ల అలెగ్జాండర్ తీవ్రమైన మానసిక ఒత్తిడికి గురవ్వుతున్నాడనే విషయం ఆమెకు తెలుసని పోలీసులు తెలిపారు. ఇన్‌యంగ్ ప్రస్తుతం దక్షిణ కొరియాలో ఉందన్నారు.

మసాచుసెట్స్‌‌లో ఇలాంటి ఘటనలను తీవ్రంగా పరిణిస్తున్నారు. 2014లో మిచెల్లే కార్టర్ (22) అనే యువతి.. తన 17 ఏళ్ల బాయ్‌ఫ్రెండ్‌ను కార్బన్ మోనాక్సైడ్‌తో నిండిన ట్రక్కులోకి ఎక్కాలని ఆదేశించింది. దీంతో అతడు ఆ ట్రక్కులోకి ఎక్కి ఊపిరి ఆడక ప్రాణాలు వదిలాడు. కోర్టు ఆమెకు ఐదేళ్ల జైలు శిక్ష విధించింది. ఇతరుల మరణానికి కారణమయ్యే వ్యక్తులను శిక్షించేందుకు అక్కడ ‘కాన్రాడ్ లా’ అనే చట్టాన్ని అమల్లోకి తెచ్చారు.

Leave comment

Your email address will not be published. Required fields are marked with *.