కోర్టులే అన్నీ చేస్తే.. కేసీఆర్ గాడిద పళ్లు తోముతున్నారా: రేవంత్ రెడ్డి

న్ని సమస్యలకు తెలంగాణ రాష్ట్రమే పరిష్కారం అన్న కేసీఆర్.. ఆయనే సమస్యగా మారారని తెలంగాణ కాంగ్రెస్ వర్కింగ్ ప్రెసిడెంట్ మండిపడ్డారు. కోర్టులను సైతం సీఎం కేసీఆర్ తప్పుదోవ పట్టిస్తున్నారని విమర్శించారు. మలి తెలంగాణ ఉద్యమానికి శ్రీకారం చుట్టాలని ప్రజలకు పిలుపునిచ్చారు. కేసీఆర్ పాలనలో అమరవీరులు, నిరుద్యోగులు, ఉద్యోగ సంఘాలు, కార్మిక సంఘాలు.. ఇలా అందరూ మోసానికి, దోపిడీకి గురయ్యాయని ధ్వజమెత్తారు. సరూర్‌నగర్ మైదానంలో బుధవారం (అక్టోబర్ 30) ఆర్టీసీ జేఏసీ నిర్వహించిన ‘సకల జనుల సమరభేరి’ సభలో పాల్గొని ప్రసంగించిన రేవంత్.. టీఆర్‌ఎస్ పాలనపై నిప్పులు చెరిగారు.

ఆర్టీసీ నడ్డి విరగ్గొట్టేందుకే కేసీఆర్ సర్కారు డీజిల్‌పై 27.5 శాతం వ్యాట్ విధించిందని రేవంత్ విమర్శించారు. తెలంగాణ ఉద్యమ సమయంలో ఆర్టీసీ కార్మికులు నెలరోజులకు పైగా సమ్మె చేశారని గుర్తు చేశారు. లక్షలాది మంది కార్మికులకు మేలు జరిగే ఆర్టీసీ విలీన నిర్ణయాన్ని ఎందుకు తీసుకోరని ప్రశ్నించారు.

కేసీఆర్ లెక్క ప్రకారం ఆర్టీసీ విలీనం అయినట్టే..
తెలంగాణ ఆర్టీసీ ఆస్తులు, అప్పులు విభజన జరగలేదని రాష్ట్ర ప్రభుత్వం హైకోర్టుకు అఫిడవిట్ దాఖలు చేసిందని రేవంత్ రెడ్డి చెప్పారు. కేసీఆర్ చెప్పిన లెక్కల ప్రకారం తెలంగాణలోనూ ఆర్టీసీ ప్రభుత్వంలో విలీనం అయినట్టేనని ఎద్దేవా చేశారు. ‘ఆర్టీసీ అస్తులు, అప్పులు విభజన జరగలేదని కేసీఆర్ అంటున్నారు. విభజన జరగకపోతే ఏపీలో విలీనం తెలంగాణలో కూడా చెల్లుబాటు అవుతుంది కదా. ఆస్తులు, అప్పులు విభజన జరగకపోతే సంస్థ ఒక్కటే కదా. ఒకే కుటుంబం కింద లెక్క. ఏపీఎస్ ఆర్టీసీని ప్రభుత్వంలో విలీనం చేస్తే.. తెలంగాణలో కూడా ఆర్టీసీ విలీనం కిందే లెక్క’ అని రేవంత్ అన్నారు.

Must Read:

‘ప్రభుత్వ విధానాలకు వ్యతిరేకంగా ఇంతమంది కార్మికులు ఎందుకు వచ్చారో తెలియదా? మీ పోలీసుల చేతిలో ఆడబిడ్డల చీరలు చిరగలేదా?’ అని రేవంత్ ప్రశ్నించారు. సమస్యలను కేసీఆర్ జఠిలం చేస్తున్నారని మండిపడ్డారు. ‘అన్నీ కోర్టులే చేస్తే.. నువ్వు కుర్చిలో కూర్చుని గాడిద పళ్లు తోముతున్నావా?’ అంటూ ఘాటు వ్యాఖ్యలు చేశారు.

సీఎం కేసీఆర్‌తో పాటు మంత్రులు.. ఆర్టీసీ విలీనం సాధ్యం కాదంటూ వ్యాఖ్యలు చేస్తున్నారని రేవంత్ మండిపడ్డారు. ‘విలీనం మా మేనిఫెస్టోలో లేదని.. ఊసరవెళ్లి ఎర్రబెల్లి అంటారు. సీఎం కేసీఆర్‌ కూడా విలీనం మేనిఫెస్టోలో లేదు అంటారు. మరి మీ కొడుకు, కూతురు, అల్లుడికి మంత్రి పదవులు ఇస్తానని మేనిఫెస్టోలో చెప్పారా?’ అని రేవంత్ ప్రశ్నించారు.

Also Read:

50 వేల కార్మికుల కుటుంబాలకు మద్దతుగా నాలుగు కోట్ల తెలంగాణ సమాజం మద్దతుగా నిలించిందని రేవంత్ పేర్కొన్నారు. ఏ స్వేచ్ఛ కోసం తెలంగాణ ప్రజలు పోరాడారో.. మళ్లీ నేడు అదే స్వేచ్ఛ కోసం పోరాటం చేయాల్సి వస్తోందన్నారు. సకల జనుల సమరభేరికి కోర్టు అనుమతిచ్చి 24 గంటలు గడువక ముందే వందల కిలోమీటర్ల నుంచి కార్మికులు సరూర్‌నగర్‌ గ్రౌండ్‌లో కదం తొక్కారని.. ఇదే తెలంగాణ ప్రజల స్ఫూర్తి అని రేవంత్‌ అన్నారు.

Leave comment

Your email address will not be published. Required fields are marked with *.