‘కార్తీకదీపం’ అక్టోబర్ 30 ఎపిసోడ్ : దీపను హేళన చేసిన మౌనిత! సౌందర్య ఆవేశం?

మౌనిత రోజు రోజుకీ రెచ్చిపోతుంది. హిమ.. తన తండ్రి కార్తీక్‌కి పెళ్లి చేయాలనుకుంటున్న విషయం తెలిసినప్పటి నుంచి’.. ఏదో రకంగా హిమకు మరింత దగ్గరైపోతుంది. సౌందర్యను చూస్తేనే పిల్లిలా పారిపోయే మౌనిత.. ఇప్పుడు ఇన్‌డైరెక్ట్‌గా ‘నువ్వు నన్ను ఏం చేయలేవు ఆంటీ’ అనేస్తుంది. తెలుగు ప్రేక్షకులను ఎంతగానో ఆకట్టుకుంటున్న‘కార్తీకదీపం’ సీరియల్ నేటి (అక్టోబర్ 30) రాత్రి ఎపిసోడ్‌లో ఏం జరగనుందో ‘సమయం’లో మీకోసం ముందుగానే.

గత ఎపిసోడ్‌లో ఏం జరిగిందంటే..సౌందర్య వాళ్ల ఇంటికి శ్రావ్య వస్తుంది. ఉన్నట్టుండి ఆమెకు కడుపులో నొప్పి రావడంతో హిమ మౌనితకు కాల్ చేసి రమ్మంటుంది. మౌనిత వచ్చి శ్రావ్యని చెక్ చేసి.. ‘ఏం లేదు శ్రావ్యా.. ఇన్ని రోజులు రెస్ట్ తీసుకుని.. ఒక్కసారిగా బయటికి వచ్చావుగా.. రోడ్లు బాగోక కుదుపులకు నడుం పట్టేసినట్లుంది. అందుకే అలా అయ్యింది’ అని చెబుతుంది. తర్వాత సౌందర్యతో ఇన్‌డైరెక్ట్‌గా ‘భయపడాల్సిందేమీ లేదాంటీ.. మీ ఇంటికి రావాల్సిన వాళ్లు వస్తూనే ఉంటారు. ఏ ఆటంకం లేకుండా చూసుకోవడానికి నేనున్నాగా..’ అంటూ ఆగి.. ‘అదే ఆంటీ.. శ్రావ్య కడుపులో బిడ్డ క్షేమంగా పుడుతుందంటున్నాను’ అని కవర్ చేస్తుంది. సౌందర్య కోపంగా అడ్డం తప్పుకోమంటే.. ‘అడ్డు తప్పుకోవడం ఎందుకాంటీ.. నేను ఇక్కడే ఉంటాను.. రండీ అంతా కలిసే ఉండొచ్చు’ అంటూ మరోసారి రెచ్చగొడుతుంది.

639 ఎపిసోడ్‌లో హైలైట్స్‌..భాగ్యం… మురళీ కృష్ణతో ‘నైట్ శ్రావ్యకు కడుపులో నొప్పి వచ్చిందటయ్యా.. ఆ మౌనిత వచ్చి.. వైధ్యం చేసి వెళ్లిందట. హిమే దాన్ని పిలిచిందట. ‘డాక్టర్ అమ్మా రా’అని. ఆ మౌనిత హిమ ద్వారా కార్తీక్ బాబుకు దగ్గరవ్వాలని చూస్తుందట. ఆ విషయం మన అల్లుడు గారు శ్రావ్యకు చెప్పారట. ఇవన్నీ కాదుగానయ్యా.. మన దీప ఇప్పటికైనా విడాకులు తీసుకుంటే భరణం వస్తుందిగా’ అని అంటుంది. దాంతో ఆవేశంగా లేచిన మురళీ కృష్ణ.. ‘మన బ్యాంక్‌లో రెండు లక్షలు ఉన్నాయి. సీట్ పాటలో 80 వేలు దాకా వస్తాయి.. అన్నీ తీసుకుని జాగ్రత్తగా ఉండు నేను వచ్చేదాకా’ అంటాడు.

Read Also:

‘నువ్వు ఎక్కడికి వెళ్తున్నావ్ అయ్యా?’ అంటుంది భాగ్యం ఆశ్చర్యంగా. ‘జైల్‌కి. ఆ మౌనితని చంపేసి జైల్‌కి వెళ్తాను’ అంటాడు మురళీ కృష్ణ. ‘వామ్మో.. ఎందుకయ్యా అంత ఆవేశం.. అల్లుడు గారు ఆ మౌనితని చేసుకోవాలంటే ఎప్పుడో చేసుకునేవాడయ్యా.. చేసుకోలేదంటే దాని అర్థం ఇక చేసుకోడనేగా?’ అంటుంది భాగ్యం భయపడుతూ.. ‘కదా.. మరి పదే పదే ఎందుకు మౌనిత కార్తీక్‌ని పెళ్లి చేసుకుంటాదేమో అంటున్నావ్? ఇంకోసారి దీప విడాకులు గురించి మాట్లాడావనుకో.. ఆ మూడు లక్షలు దీపకు ఇచ్చి.. నిన్ను చంపి జైల్‌కి వెళ్తాను’ అని ఆవేశంగా లోపలికి వెళ్లిపోతాడు.

Read also:

మౌనిత తనలో తనే మాట్లాడుకుంటుంది. ‘హిమని ఎలాగైనా పడేస్తాను. దాని మీద ప్రేమని కురిపిస్తాను. ఈ రోజు బాక్స్ తీసుకుని వెళ్లి తినిపిస్తాను. అయినా దాని మీద ప్రేమని కురిపించడానికి వాళ్ల ఇంట్లో చాలా మంది ఉన్నారుగా.. అందుకే కార్తీక్ మీద ప్రేమని కురిపించి దాని మనసులో కొత్త అమ్మ స్థానం కొట్టేయాలి.. అయినా నాకు అమ్మగా నటించడం కష్టమే కానీ ఇలాంటివి(కార్తీక్‌కి భార్యగా) చాలా ఈజీ..’ అనుకుంటుంది. వెనక్కి తిరిగేసరికి ప్రియమణి(కొత్తగా పనిలో చేరిన వంట మనిషి) మౌనితని అలానే చూస్తూ ఉంటుంది. మౌనిత కాస్త ఇబ్బందిగా ఫీల్ అవుతుంది. ‘మీరు చాలా ఊహించుకుంటున్నారు కానీ అవేం జరగవేమోనమ్మా’ అంటుంది ప్రియమణి. మౌనిత మాత్రం చాలా ధీమాగా జరుగుతాయి అంటుంది. వెంటనే ప్రియమణి చేతిలోని క్యారేజ్ ఇచ్చి.. ‘ఆ అమ్మాయి(హిమ) ఇది తింటే.. అదేవరో వంటలక్క(దీప) అన్నారుగా ఆమె వంటని మరిచిపోవడం గ్యారెంటీ’ అంటుంది మౌనితతో.. మౌనిత హ్యాపీగా ఫీల్ అవుతుంది.

Read also:

సౌర్య స్కూల్‌కి బయలుదేరుతుంది. ఇంతలో దీప హిమ కోసం ఆలోచిస్తూ.. ‘కన్న తల్లిగా దానికి ఏం చేయట్లేదు’ అనుకుంటూ మౌనిత కుట్ర(స్కూల్‌కి హిమ తల్లి స్థానంలో రావడం)ను తలుచుకుని బాధపడుతుంది. ‘అత్తమ్మా.. నేను హిమకి క్యారేజ్ తెస్తాను.. ఇంటి నుంచి ఈ రోజు అవసరం లేదని చెప్పు’ అంటుంది దీప. సరే అంటుంది సౌర్య. సౌందర్య, ఆనందరావు, కార్తీక్ ముగ్గురూ టిఫిన్ చేస్తూ ఉంటారు. మౌనిత మాటలను తలుచుకుంటూ సౌందర్య ఆవేశంగా ఊగిపోతూ ఉంటుంది. ఇంతలో మౌనిత కార్తీక్‌కి ఫోన్ చేసి.. ‘హిమకు భోజనం తీసుకుని వెళ్తాను.. ప్రియమణి చేసింది’ అని చెబుతుంది. ‘అవునా.. మీ ఇంట్లో వంటలక్క చేసిందా వంటా.. తీసుకుని వెళ్లు.. అది తిన్నాక హిమ మళ్లీ ఏ వంటలక్క(దీప) రుచినీ ఇష్టపడకూడదు’ అంటాడు కార్తీక్. ఆ మాటలకు సౌందర్య ఆవేశపడిపోతుంటే.. ఆనందరావు ‘ఐ స్టాండ్ ఫర్ నేషన్’ అంటూ వాళ్ల మధ్య జరిగిన ఒప్పందాన్ని గుర్తు చేస్తాడు. దాంతో ఐ టూ అంటూ కూల్ అవుతుంది సౌందర్య.

ఇంతలో హిమ వచ్చి.. ‘నాన్నమ్మా సౌర్య కాల్ చేసింది. ఈ రోజు నాకు లంచ్ వంటలక్క తెస్తుందట’ అని చెబుతుంది. వెంటనే కార్తీక్‌కి పులమారుతుంది. దాంతో ఆనందరావు, సౌందర్యలు నవ్వుకుంటారు. కార్తీక్ హిమని స్కూల్ తీసుకుని వెళ్లిన తర్వాత సౌందర్య ఆలోచనలో పడుతుంది. బహుశా ఇటు మౌనిత, అటు దీప హిమ కోసం వస్తారని తెలిసింది కాబట్టి.. ఆమె కూడా స్కూల్‌కి వెళ్లే అవకాశం ఉండొచ్చు. దీప క్యారేజ్ తీసుకుని స్కూల్‌కి బయలుదేరుతుంది. ఆటోలో కార్తీక్ గురించి ఆలోచించుకుంటూ..కార్తీక్ మంచి తనాన్ని మెచ్చుకుంటూ ఉంటుంది. ‘హిమ సొంత బిడ్డ కాదని తెలిసినా.. సౌర్య నా బిడ్డని తెలిసినా ఎంత బాగా చూసుకుంటున్నాడు. మనిషి స్వతహాగా మంచివాడు’ అనుకుంటుంది.

కమింగ్ ‌అప్‌లో..దీప స్కూల్లో హిమని వెతుకుతూ ఉంటుంది. అయితే హిమకు మౌనిత లంచ్ తినిపిస్తుంది. అది దూరంగా చూసిన దీప షాక్ అవుతుంది. హిమ వెళ్లగానే దీప మౌనిత దగ్గరకు వెళ్లి నిలదీస్తుంది. అయితే మౌనిత విలన్‌లా నవ్వుతూ.. ‘హిమ నీ కూతురా ఏంటీ అంత ఫీల్ అవుతున్నావ్?’ అంటూ రచ్చగొడుతుంది. దీప కోపంగా.. ‘మరి నీ కూతురా?’ అంటుంది హేళనగా మౌనితతో.. ‘ఇప్పటి దాకా డాక్టర్ అమ్మా అంటోంది. కొద్ది రోజుల్లో డాక్టర్ తీసేసి.. అమ్మా అని పిలుస్తుంది. తర్వాత వంటలక్కలో వంట తీసేసి.. నిన్ను నేను అక్కా అని పిలిచేస్తాను’ అంటూ కార్తీక్‌ని పెళ్లి చేసుకుంటానే అర్థం వచ్చేలా మాట్లాడుతుంది మౌనిత. దాంతో దీప లాగిపెట్టి కొడుతుంది. రెండో చెంప వాయించే టైమ్‌లో దీప చేతిని కార్తీక్ ఆపుతాడు. కొనసాగుతోంది. మరిన్ని వివరాలు తరువాయి భాగంలో చూద్దాం!

Leave comment

Your email address will not be published. Required fields are marked with *.