కనిపించని కెమెరా వచ్చేస్తోందా? Xiaomi కొత్త ప్రయోగం!

నాచ్, వాటర్ డ్రాప్ నాచ్, పంచ్ హోల్ కెమెరా, పాపప్ సెల్ఫీ కెమెరా… ప్రస్తుతం ఎంత ఖరీదైన ఫోన్ అయినా.. ఎంత అధునాతన సాంకేతికతను కలిగి ఉన్నా ఈ నాలుగు కెమెరాల్లో ఏదో ఒక దాన్ని మాత్రమే కలిగి ఉన్నాయి. ప్రస్తుతం స్మార్ట్ ఫోన్ కంపెనీలు మరో కొత్త సాంకేతికతను కనుగొనే ప్రయత్నంలో పడ్డాయి. అదే అండర్ డిస్ ప్లే సెల్ఫీ కెమెరా. అంటే స్క్రీన్ మొత్తం డిస్ ప్లే ఉంటుంది. ఆ డిస్ ప్లే కింద మనకి కనిపించకుండా సెల్ఫీ కెమెరా ఉంటుందన్న మాట. ఈ సాంకేతికతతో ఇప్పటికే ఒప్పో ఒక ఫోన్ ను రూపొందిస్తూ ఉండగా.. ఇప్పుడు షావోమి, హానర్ ఆ ప్రయత్నాల్లో ఉన్నాయి.

షావోమి ఇప్పటికే ఆ ప్రయత్నాల్లో ఉన్నట్లు ప్రకటించింది. ఒప్పో డిస్ ప్లే కింద ఒక్క కెమెరాను మాత్రమే అందించగా.. షావోమి రెండు సెల్ఫీ కెమెరాలను అందించనుంది. ఇప్పుడు షావోమి దీని కోసం దాఖలు చేసిన పేటెంట్ ఫైల్ బయటకు వచ్చింది. దాంతో ఈ ఫోన్ మళ్లీ వార్తల్లో నిలిచింది. ఈ డిజైన్ ప్రకారం చూసుకున్నట్లయితే ఈ ఫోన్ పైభాగంలో రెండు కెమెరాలు ఉన్నాయి. ఈ మొబైల్ కు ఎటువంటి అంచులు కూడా లేవు. పూర్తిగా స్క్రీనే ఉంది. అయితే ఇది కేవలం డిజైనే కాబట్టి.. ఫోన్ మార్కెట్లోకి వచ్చేలోపు ఏవైనా మార్పులు జరగవచ్చు.

Also Read:

చైనా నేషనల్ ఇంటెలెక్చువల్ ప్రాపర్టీ అడ్మినిస్ట్రేషన్(సీఎన్ఐపీఏ)కు షావోమి సమర్పించిన పేటెంట్ ఫైల్ టైగర్ మొబైల్స్ అనే వెబ్ సైట్ కు లభించింది. ఈ పేటెంట్ దరఖాస్తులో ఉన్న ఫొటోల ప్రకారం చూసుకున్నట్లయితే.. ఈ ఫోన్ ముందు భాగంలో ఉన్న రెండు కెమెరాల మధ్య కాస్త గ్యాప్ కూడా ఉంది. కెమెరా యాప్ ను ఓపెన్ చేసినప్పుడు ఈ రెండు కెమెరాలు కనిపిస్తాయి. కేవలం కెమెరా యాప్ లో మాత్రమే కాకుండా.. వినియోగదారులు ఏ యాప్ ద్వారా అయినా సరే.. ఫొటోలు కానీ, వీడియోలు కానీ తీస్తున్నట్లయితే.. అప్పుడు కూడా ఈ కెమెరాలు కనిపించేలా ఈ ఫోన్ డిజైన్ చేయనున్నారు.

Also Read:

ఫ్రంట్ కెమెరాను ఉపయోగించని సమయంలో డిస్ ప్లే పిక్సెల్స్ కెమెరా సెన్సార్ పైభాగానికి కూడా వెళ్లిపోయి.. స్క్రీన్ మొత్తం డిస్ ప్లేనే ఉన్నట్లు కనిపిస్తుంది. అయితే ఒప్పో రూపొందించిన డిజైన్ కంటే ఈ డిజైన్ కాస్త కొత్తగా ఉంది. ఎందుకంటే ఇందులో డిస్ ప్లే కింద ఉన్న కెమెరా చూడటానికి క్లియర్ గా కనిపిస్తూనే ఉంటుంది. కానీ షావోమి రూపొందించే ఫోన్ అలా కాకుండా కెమెరా పూర్తిగా కనిపించకుండా ఉంది.

Also Read:

అండర్ స్క్రీన్ కెమెరా టెక్నాలజీని షావోమి రూపొందించాక.. కెమెరాలు ఉన్న ప్రదేశంలో తక్కువ రిఫ్లెక్షన్ తో ఎక్కువ ట్రాన్స్ మిటెన్స్ ను అందించేలా జాగ్రత్తలు తీసుకోనున్నట్లు షావోమి తెలిపింది. అవసరం వచ్చినప్పుడు కెమెరా ఉన్న భాగంలో డిస్ ప్లే పారదర్శకంగా మారిపోయి వినియోగదారులు ఫొటోలు తీసుకునేందుకు తోడ్పడేలా ఈ సాంకేతికత ఉండనున్నట్లు తెలిసింది. అయితే ఈ అండర్ డిస్ ప్లే కెమెరా ఎప్పుడు మార్కెట్లోకి రానుంది అనే విషయాన్ని మాత్రం షావోమి తెలియజేయలేదు.

Leave comment

Your email address will not be published. Required fields are marked with *.