TSSPDCL: జేఎల్‌ఎం, జేపీవో పోస్టులకు దరఖాస్తు చేశారా?.. రేపే ఆఖరు

తెలంగాణ స్టేట్ సదరన్ వపర్ డిస్ట్రిబ్యూషన్ కంపెనీ లిమిటెడ్‌‌లో జూనియర్ లైన్‌మెన్, జూనియర్ పర్సనల్ ఆఫీసర్ ఉద్యోగాల భర్తీకి అక్టోబరు 22న ప్రారంభమైన దరఖాస్తు ప్రక్రియ నవంబరు 10తో ముగియనుంది. ఇప్పటివరకు దరఖాస్తు చేసుకోని అభ్యర్థులు నిర్ణీత మొత్తంలో ఫీజు చెల్లించి ఆన్‌లైన్ ద్వారా దరఖాస్తు చేసుకోవచ్చు.

జూనియర్ లైన్‌మెన్ పోస్టులకు పదోతరగతితోపాటు సంబంధిత విభాగంలో ఐటీఐ అర్హత ఉండాలి. ఇతర పోస్టులకు డిగ్రీ అర్హత ఉంటే సరిపోతుంది. నవంబరు 10 వరకు ఫీజు చెల్లించడానికి, ఆన్‌లైన్ దరఖాస్తుకు అవకాశం ఉంది. అభ్యర్థులు దరఖాస్తు ఫీజుగా రూ.100, పరీక్ష ఫీజుగా రూ.120 చెల్లించాల్సి ఉంటుంది. ఎస్సీ, ఎస్టీ, బీసీలకు పరీక్ష ఫీజు నుంచి మినహాయింపు ఉంది. దరఖాస్తు ఫీజు మాత్రమే చెల్లిస్తే సరిపోతుంది.

TSSPDCLలో జూనియర్ లైన్‌మెన్, జూనియర్ అసిస్టెంట్ కమ్ కంప్యూటర్ ఆపరేటర్, జూనియర్ పర్సనల్ ఆఫీసర్ ఉద్యోగాల భర్తీకి అక్టోబరు 16న నోటిఫికేషన్లు వెలువడిన సంగతి తెలిసిందే. మొత్తం 3025 ఉద్యోగాల భర్తీకి వేర్వేరుగా ఉద్యోగ ప్రకటనలు వెలువడ్డాయి. వీటిలో 2500 జూనియర్‌ లైన్‌మెన్‌ (JLM) పోస్టులు, 500 జూనియర్‌ అసిస్టెంట్ కమ్ కంప్యూటర్ ఆపరేటర్ (JACO) పోస్టులు.. అలాగే 25 జూనియర్‌ పర్సనల్‌ ఆఫీసర్ (JPO) పోస్టులు ఉన్నాయి.

Read Also: నవంబరు 20 వరకు JA పోస్టులకు దరఖాస్తులు..
జూనియర్ అసిస్టెంట్ కమ్ కంప్యూటర్ ఆపరేటర్ పోస్టుల భర్తీకి సంబంధించి అక్టోబరు 31న ప్రారంభమైన దరఖాస్తు ప్రక్రియ నవంబరు 20తో ముగియనుంది. ఏదైనా డిగ్రీ అర్హత ఉన్నవారు దరఖాస్తు చేసుకోవడానికి అర్హులు.

నోటిఫికేషన్లు..




Read More..

Leave comment

Your email address will not be published. Required fields are marked with *.