Jio రూ.149 ప్లాన్ లో భారీ మార్పులు.. వినియోగదారులకు బ్యాడ్ న్యూస్!

జియోలో ప్రముఖ రీచార్జ్ ప్లాన్ అయిన రూ.149 ప్లాన్ లో భారీ మార్పులు చేసింది. ఇంతకుముందు ఈ ప్లాన్ కింద అపరిమిత ఉచిత వాయిస్ కాల్స్, రోజుకు 1.5 జీబీ డేటా, 100 ఎస్ఎంఎస్ లు అందించేవారు. ప్లాన్ వ్యాలిడిటీ 28 రోజులుగా ఉండేది. ఇప్పుడు దీన్ని కూడా కొద్ది రోజుల క్రితం విడుదల చేసిన ఆల్ ఇన్ వన్ ప్లాన్ల సరసన చేర్చింది. కొద్ది రోజుల క్రితం జియో రూ.222, రూ.333, రూ.444, రూ.555 ఆల్ ఇన్ వన్ ప్లాన్లను ప్రకటించిన సంగతి తెలిసిందే. ఇప్పుడు రూ.149 ప్లాన్ కూడా అలానే మారింది.

Also Read:

అసలు మారింది ఏంటంటే?
ప్లాన్ వ్యాలిడిటీని 28 రోజుల నుంచి 24 రోజులకు కుదించారు. అపరిమిత ఉచిత కాల్స్ స్థానంలో జియో నుంచి జియోకు మాత్రమే అపరిమిత ఉచిత వాయిస్ కాల్స్ ను అందిస్తారు. రోజుకు 1.5 జీబీ డేటా, 100 ఉచిత ఎస్ఎంఎస్ లు అలాగే ఉండనున్నాయి. జియో నుంచి ఇతర నెట్ వర్క్ లకు కాల్స్ చేసుకోవడానికి 300 నిమిషాలను అందించనున్నారు. ఈ ప్లాన్ లో జియో రోజువారీ డేటాను తగ్గించనప్పటికీ వ్యాలిడిటీని తగ్గించడంతో వినియోగదారులకు మొత్తంగా 36 జీబీ డేటా మాత్రమే లభించనుంది.

Also Read:

రిలయన్స్ జియో అందించే ప్లాన్లలో రూ.399, రూ.149 ప్లాన్లనే వినియోగదారులు ఎక్కువగా ఉపయోగించేవారు. నెలవారీ రీచార్జ్ చేసుకునే వారికి ఈ నిర్ణయిం కాస్త నిరాశకు గురి చేస్తుందనే చెప్పాలి. ఈ సంవత్సరం అక్టోబర్ ప్రారంభంలో జియో.. తన నెట్ వర్క్ నుంచి ఇతర నెట్ వర్క్ లకు చేసుకునే కాల్స్ కు నిమిషానికి ఆరు పైసల చొప్పున చార్జీలు వసూలు చేయడం ప్రారంభించిన సంగతి తెలిసిందే. అయితే అప్పట్నుంచీ జియోకు గడ్డుకాలం మొదలైందని చెప్పవచ్చు. వినియోగదారులు, పోటీ కంపెనీలు, సోషల్ మీడియా ఇలా అన్ని వైపుల నుంచి జియోపై విమర్శలు వచ్చాయి.

Also Read:

దీన్ని సరిదిద్దడానికి ఆల్ ఇన్ వన్ ప్లాన్ల పేరిట కొన్ని ప్లాన్లను జియో ప్రకటించింది. ఇప్పుడు రూ.149 ప్లాన్ కు మార్పులు చేయడం ద్వారా దీన్ని కూడా ఆల్ ఇన్ వన్ ప్లాన్ గా మార్చింది. మారిన ప్లాన్ ఇప్పటికే టెలికాం సర్కిళ్లలో అందుబాటులో ఉంది.

Leave comment

Your email address will not be published. Required fields are marked with *.