Fact Check: ముంబైలోని Shiv Sena భవన్‌పై సోనియా గాంధీ ఫొటోనా?

Read this story in ENGLISHRead this story in ENGLISHRead this story in ENGLISH
విషయం:
ముంబైలోని శివసేన అధికారిక కార్యాలయం శివసేన భవన్‌కు కాంగ్రెస్ అధినేత్రి భారీ ఫ్లెక్సీ ఏర్పాటు చేసినట్లుగా ఓ ఫొటో సోషల్ మీడియాలో వైరల్ అవుతోంది. శివసేన, ఎన్సీపీ, కాంగ్రెస్ పార్టీల కూటమి ప్రభుత్వం ఏర్పాటు నేపథ్యంలో ఈ ఫొటో హాట్ టాపిక్‌గా మారింది.

‘మనం చూడటానికి ఇదొక్కటే ఇక మిగిలిందంటూ’ భూషన్ దేవధర్ తన ఫేస్ బుక్ పేజీలో పోస్ట్ చేశారు. సోనియా ఫొటో ఉన్న ఆ పోస్ట్ వాస్తవానికి హిందీలో రాసి ఉంది.

నిజం: శివసేన దివంగత నేత బాలాసాహెబ్ ఠాక్రే స్థానంలో సోనియా గాంధీ పోస్టర్‌ను మార్ఫింగ్ చేసి సోషల్ మీడియాలో వైరల్ చేస్తున్నారు.

పరిశీలన: గూగుల్ లో రివర్స్ ఇమేజ్ సెర్చ్ చేయగా.. రాజేష్ 2008 అనే యూజర్ తన ఫ్లికర్ అకౌంట్‌లో పోస్ట్ చేశాడు. మహారాష్ట్ర దినోత్సవం సందర్భంగా మే1, 2010లో ఈ ఫొటోను క్లిక్ మనిపించారు. శివసేన జల్గావ్.కామ్ వెబ్ సైట్‌లోనూ ఈ ఫొటో దర్శనమిస్తుంది.

ఫొటోలను పరిశీలిస్తే.. బాల్ ఠాక్రే ఫొటో స్థానంలో సోనియా గాంధీ ప్లెక్సీ ఏర్పాటుచేసినట్లుగా సోషల్ మీడియాలో దుష్ప్రచారం జరుగుతోందని గమనించవచ్చు.

అయితే శివసేన భవన్‌ ముందువైపు బాలాసాహెబ్ ఫొటోను పర్మినెంట్‌గా కనిపించేలా చేశారు. ఇంకా చెప్పాలంటే నవంబర్ 28న జర్నలిస్ట్ వికాస్ బదౌరియా చేసిన ట్వీట్ ఈ వదంతులకు చెక్ పెట్టిందని చెప్పవచ్చు..

నిర్ధారణ: ముంబైలోని శివసేన ప్రధాన కార్యాలయంలో బాల్ ఠాక్రే ఫొటో స్థానంలో సోనియా గాంధీ ఫొటోను అమర్చినట్లు మార్ఫింగ్ ఫొటోలు వైరల్ అవుతున్నాయని టైమ్స్ (సమయం) ఫ్యాక్ట్ చెక్ టీమ్ గుర్తించింది. ఇటీవల ఎన్సీపీ, శివసేన, కాంగ్రెస్ కూటమి ప్రభుత్వం ఏర్పాటుకు సిద్ధమైన నేపథ్యంలో ఈ ఫొటో సోషల్ మీడియాలో వైరల్ అయిందని గ్రహించాలి.

Leave comment

Your email address will not be published. Required fields are marked with *.