స్పా సెంటర్ ముసుగులో సెక్స్ రాకెట్.. ఇద్దరు ఫుట్‌బాల్ ప్లేయర్స్ అరెస్ట్

గోవాలోని వాస్కో పట్టణంలో గుట్టుచప్పుడు కాకుండా నిర్వహిస్తున్న వ్యభిచార కేంద్రాన్ని పోలీసులు పట్టుకున్నారు. ఈ సందర్భంగా పలువురు మహిళలను రక్షించిన పోలీసులు… నిర్వాహకుడిని అదుపులోకి తీసుకున్నారు. అతడిని కేరళకు చెందిన ఫుట్‌బాల్ మాజీ క్రీడాకారుడు షైనీ జోసెఫ్‌‌గా గుర్తించారు. అతడితో పాటు ముంబై ఎఫ్‌సీ, షిల్లాంగ్ లాజోంగ్ ఎఫ్‌సీ, మినర్వా పంజాబ్ ఎఫ్‌ఫీ, ఇండియన్ సూపర్ లీగ్ (ఐఎస్ఎల్) ఛాంపియన్స్ చెన్నైయిన్ ఎఫ్‌సిలతో సహా దేశంలోని ప్రముఖ ఐ-లీగ్ క్లబ్‌ల కోసం ఆడిన గోల్ కీపర్ నిధిన్‌లాల్‌ను సైతం అరెస్ట్ చేశారు.

Also Read:

వీరు సంవత్సర కాలంలో గోవాలో ఉంటూ స్పా సెంటర్లను నడుపుతున్నారు. ఈ క్రమంలోనే తమ వద్దకు వచ్చే కస్టమర్లను మభ్యపెట్టి అమ్మాయిలను సరఫరా చేస్తూ వ్యభిచారం నిర్వహిస్తున్నారు. వీరి కార్యకలాపాలపై సమాచారం అందడంతో పోలీసులు నకిలీ కస్టమర్‌ను పంపించి గుట్టురట్టు చేశారు. వీరి బారి నుంచి మహారాష్ట్రలోని సాంగ్లికి చెందిన మహిళతో పాటు నేపాలి, గోవాకు చెందిన మరో ఇద్దరు సెక్స్‌వర్కర్లను రక్షించారు.

Also Read:

రెండు వారాల క్రితం మినర్వా పంజాబ్ ఎఫ్‌సీ తనకు 8నెలలుగా బకాయిలు చెల్లిచడం లేదని ఆరోపిస్తూ నిధిన్‌లాల్ వార్తల్లోకి ఎక్కారు. సంవత్సరానికి పైగా గోవాలో ఉంటున్న ఆయన ఓ స్పా సెంటర్‌ను నిర్వహిస్తున్నట్లు పైకి చెప్పుకుంటున్నా.. ఇతర ప్రాంతాల నుంచి అమ్మాయిలను తీసుకొచ్చి వ్యభిచారం చేస్తున్నట్లు పోలీసులు గుర్తించారు. వీరిద్దరిపై ఐపీసీ సెక్షన్లతో పాటు మానవ అక్రమ రవాణా నిరోధక చట్టం కింద కేసులు నమోదు చేసి రిమాండ్‌కు తరలించారు.

Also Read:

Leave comment

Your email address will not be published. Required fields are marked with *.