సిక్సర్ల వరల్డ్ రికార్డ్ ముంగిట రోహిత్ శర్మ

భారత ఓపెనర్ అరుదైన వరల్డ్ రికార్డ్ ముంగిట ఉన్నాడు. బంగ్లాదేశ్‌తో రాజ్‌కోట్ వేదికగా గురువారం రాత్రి ముగిసిన రెండో టీ20 మ్యాచ్‌లో ఆరు సిక్సర్లు బాదిన రోహిత్ శర్మ.. అంతర్జాతీయ క్రికెట్‌లో 398 సిక్సర్ల మైలురాయిని అందుకున్నాడు. ఇక నాగ్‌పూర్ వేదికగా ఆదివారం మూడో టీ20 మ్యాచ్ జరగనుండగా.. ఈ మ్యాచ్‌లో రోహిత్ శర్మ మరో రెండు సిక్సర్లు బాదితే..? ఇంటర్నేషనల్ క్రికెట్‌లో 400 సిక్సర్ల మైలురాయిని అందుకున్న మూడో ఆటగాడిగా నిలవనున్నాడు.

Read More:

అంతర్జాతీయ క్రికెట్‌లో ఇప్పటి వరకూ అత్యధిక సిక్సర్లు బాదిన ఆటగాళ్ల జాబితాలో వెస్టిండీస్ విధ్వంసక ఓపెనర్ క్రిస్‌గేల్ 534 సిక్సర్లతో అగ్రస్థానంలో ఉండగా.. ఆ తర్వాత పాకిస్థాన్ మాజీ ఆల్‌రౌండర్ షాహిద్ అఫ్రిది 476 సిక్సర్లతో రెండో స్థానంలో ఉన్నాడు. ప్రస్తుతం 398 సిక్సర్లతో మూడో స్థానంలో ఉన్న రోహిత్ శర్మ.. రెండు సిక్సర్లు బాదడం ద్వారా.. 400 సిక్సర్ల మైలురాయిని అందుకోవడంతో పాటు భారత్ తరఫున ఈ ఘనత సాధించిన తొలి క్రికెటర్‌గా సరికొత్త రికార్డ్ నెలకొల్పనున్నాడు.

Read More:

అంతర్జాతీయ క్రికెట్‌లో ఇప్పటి వరకూ 218 వన్డేలాడిన రోహిత్ శర్మ 232 సిక్సర్లు బాదేశాడు. అలానే 100 టీ20ల్లో 115 సిక్సర్లు, 30 టెస్టుల్లో 51 సిక్సర్లు నమోదు చేశాడు. ఇటీవల వన్డే ప్రపంచకప్ ఆ తర్వాత దక్షిణాఫ్రికాతో సిరీస్‌లో పరుగుల వరద పారించిన రోహిత్ శర్మ.. ఈ ఏడాదిలోనే ఏకంగా 66 సిక్సర్లు బాదేయడం విశేషం.

Read More:

Leave comment

Your email address will not be published. Required fields are marked with *.