లైవ్‌లో శ్రీముఖి: రాహుల్‌‌ గురించి తేల్చిచెప్పేసింది

సీజన్ 3 ముగిసిన తరువాత మీడియాకు దూరంగా మాల్దీవులు చెక్కేసిన యాంకర్ స్నేహితులతో కలిసి ఎంజాయ్ చేస్తోంది. 17 మంది కంటెస్టెంట్స్‌తో 106 రోజుల పాటు బిగ్ బాస్ హౌస్‌ను తన ఆటపాటలతో హుషారెత్తించిన రాములమ్మకు బిగ్ బాస్ సీజన్ 3 టైటిల్ ఖాయమే అనుకున్నారంతా. అయితే అనూహ్యంగా చివరి వారాల్లో పుంజుకున్న రాహుల్ సిప్లిగంజ్‌ టైటిల్‌ను ఎగరేసుకునిపోయాడు.

అయితే శ్రీముఖితో ఉన్న వైరమే రాహుల్‌కి వరంగా మారడంతో రాహుల్‌ని బిగ్ బాస్ టైటిల్ వరించింది. బిగ్ బాస్ ఫైనల్‌లో శ్రీముఖి, రాహుల్‌లతో పాటు వరుణ్, అలీ, బాబా భాస్కర్‌లు ఉన్నప్పటికీ ప్రధాన పోటీ శ్రీముఖి, రాహుల్‌ల మధ్యనే సాగింది. అయితే స్నేహితులైన వీరిద్దరి మధ్య బిగ్ బాస్ హౌస్‌లో మనస్పర్ధలు రావడంతో చివరి వరకూ ఉప్పు నిప్పుగానే ఉన్నారు. అయితే వీరికి సపోర్ట్ చేసే ఫ్యాన్స్ కూడా బయట రెండు గ్రూపులుగా విడిపోయి ఒకర్నొకరు ట్రోల్ చేసుకుంటూ దుమ్మెత్తిపోసుకున్నారు.

ఆట చివర్లో అనూహ్యంగా రాహుల్‌ని విన్నర్‌గా.. శ్రీముఖిని రన్నర్‌గా ప్రకటించడంతో శ్రీముఖి ఫ్యాన్స్ హర్ట్ అయ్యారు. సీజన్ ముగిసినా బయట ఫ్యాన్స్ మాత్రం ఒకర్నొకరు తిట్టుకోవడం మానలేదు. దీంతో ఈ ఇష్యూపై స్పందిస్తూ.. శ్రీముఖితో తనకు వైరం లేదని.. గొడవలు వచ్చినా అవి టాస్క్‌లలో భాగమే తప్ప వ్యక్తిగతంగా మా ఇద్దరి మధ్య ఎలాంటి మనస్పర్ధలు లేవంటూ క్లారిటీ ఇచ్చాడు.

ఇక ఈ ఇష్యూపై శ్రీముఖి ఎలా స్పందిస్తుందని అందరూ ఎదురుచూస్తుండగా.. రాములమ్మ రియాక్ట్ అయ్యింది. ప్రస్తుతం మాల్దీవ్స్ నుండి తిరిగిపయనమైన రాములమ్మ సోషల్ మీడియా ద్వారా లైవ్‌లోకి వచ్చారు. ఆమె మాట్లాడుతూ.. ‘నేను రేపు ఆదివారం హైదరాబాద్‌కి వచ్చేస్తున్నా. ఇక్కడ ఎక్కువ రోజులు ఉండదల్చుకోలేదు. ఆదివారం రాత్రి 9గంటలకి హైదరాబాద్ రీచ్ అవుతా. బిగ్ బాస్ హౌస్‌లో నాకు బాబాతో పాటు.. తమన్నా, వరుణ్, వితికా, పున్నూ ఇలా చాలా మంది ఇష్టం. ఫస్ట్ ఎలిమినేట్ అయిన హేమ దగ్గర నుండి లాస్ట్‌లో ఎలిమినేట్ అయిన జ్యోతి వరకూ అందర్లోనూ పాజిటివ్, నెగిటివ్స్ ఉన్నాయి. కాకపోతే ప్రతి ఒక్కరిపై నాకు రెస్పెక్ట్ ఉంది. పది మంది అమ్మాయిలు బిగ్ బాస్ ఆట ఆడితే నేను మాత్రమే ఫైనల్‌కి రాగలిగా అంటే వాళ్లు టఫ్ ఫైట్ ఇచ్చారు. ప్రతి ఒక్కరిపైనా నాకు గౌరవం ఉంది.

చాలా మంది నన్ను రాహుల్ గురించి అడుగుతున్నారు. రాహుల్ నాకు మంచి ఫ్రెండ్. అప్పుడు ఇప్పుడు కూడా అతను నాకు ఫ్రెండ్. అయితే బిగ్ బాస్ హౌస్‌లో మా ఇద్దరి మధ్య డిస్టబెన్స్ రావడం అనేది నిజమే. అది చిన్నదా పెద్దదా అనేది పక్కనపెట్టేస్తే.. అక్కడ ఉన్న పరిస్థితుల వల్ల జరిగాయి. వాటిని నా లైఫ్‌లో తీసుకోవాలని నేను అనుకోవడం లేదు. ఎవరిమీదా నెగిటివిటీ లేదు. మిగిలిన 16 మంది కంటెస్టెంట్స్‌పై నాకు ఎలాంటి రెస్పెక్ట్ ఉందో రాహుల్‌పై కూడా అదే ఉంది. నేను బిగ్ బాస్ హౌస్ నుండి బయటకు వచ్చిన తరువాత మీ లవ్ చూస్తున్నా. హౌస్‌లో జరిగిపోయిన వాటి గురించి నేను మాట్లాడదల్చుకోలేదు’ అంటూ రాహుల్‌తో ఉన్న విభేదాలపై తొలిసారి స్పందించారు శ్రీముఖి.

Leave comment

Your email address will not be published. Required fields are marked with *.