రిషబ్ పంత్ తప్పిదాలపై గంగూలీ స్పందన

భారత యువ వికెట్ కీపర్ రిషబ్ పంత్ తప్పిదాలపై బీసీసీఐ అధ్యక్షుడు సౌరవ్ గంగూలీ స్పందించాడు. బంగ్లాదేశ్‌తో గురువారం రాత్రి జరిగిన రెండో టీ20 మ్యాచ్‌లో ఓపెనర్ లిట్టన్ దాస్‌ని స్టంపౌట్ చేసే క్రమంలో తొందరపడిన రిషబ్ పంత్ బంతి వికెట్లని దాటక ముందే అందుకుని తప్పిదం చేశాడు. దీంతో.. ఆ బంతిని అంపైర్ నోబాల్‌గా ప్రకటించగా.. కీపర్ బేసిక్ రూల్‌ని బ్రేక్ చేసిన రిషబ్ పంత్‌పై అభిమానులు పెద్ద ఎత్తున విమర్శలు గుప్పించారు.

Read More:

బంగ్లాదేశ్‌తో టీ20 సిరీస్‌లో బ్యాటింగ్‌లో ఆకట్టుకోలేకపోయిన రిషబ్ పంత్.. కీపింగ్‌లోనూ తేలిపోతుండటంతో.. సంజు శాంసన్‌కి అవకాశమివ్వండి లేదా ధోనీని మళ్లీ టీ20 జట్టులోకి రప్పించడంటూ అభిమానులు డిమాండ్ చేస్తున్నారు. మూడు టీ20ల ఈ సిరీస్‌లో ఇప్పటికే రెండు మ్యాచ్‌లు ముగియగా.. రెండు జట్లూ చెరొక మ్యాచ్‌లో గెలిచాయి. ఇక సిరీస్ విజేత నిర్ణయాత్మక ఆఖరి టీ20 మ్యాచ్ ఆదివారం నాగ్‌పూర్ వేదికగా జరగనుంది.

Read More:

రిషబ్ పంత్ కీపింగ్ తప్పిదాల గురించి సౌరవ్ గంగూలీ ముందు మీడియా ప్రస్తావించగా.. ‘రిషబ్ పంత్ నెమ్మదిగా పరిణతి చెందుతున్నాడు. అతనికి నేర్చుకునేందుకు కొంత సమయం ఇవ్వాలి. బంగ్లాదేశ్‌తో రెండో టీ20లో టీమిండియా చాలా బాగా ఆడింది’ అని వెల్లడించాడు. వచ్చే ఏడాది ఆస్ట్రేలియా వేదికగా టీ20 ప్రపంచకప్ జరగనున్న నేపథ్యంలో.. రిషబ్ పంత్ తప్పిదాలు టీమిండియాలో కంగారు పెంచుతున్నాయి.

Leave comment

Your email address will not be published. Required fields are marked with *.