‘మౌనరాగం’ సీరియల్ : భరత్‌కి దిమ్మతిరిగే షాకిచ్చిన అమ్ములు.. ఇక అంకిత్ సేఫ్!

అమ్ములు ప్రాణంగా ప్రేమించిన మనిషిని దూరం చేసుకుని భరత్‌ని పెళ్లి చేసుకోవడానికి సిద్ధపడింది. కానీ భరత్ నిజస్వరూపం చేసిన తర్వాత ప్రాణంగా ప్రేమించిన అంకిత్‌ని రక్షించుకోవాలని తాపత్రయపడుతుంది. ఆ క్రమంలో అంకిత్ మీద అమ్ములుకి ఉన్న అసలు ప్రేమ బయట పడుతుంది. తెలుగు ప్రేక్షకులని ఎంతగానో ఆకట్టుకుంటున్న (నవంబర్ 8) ఎపిసోడ్‌ హైలైట్స్‌లో ఏం జరిగిందో మీ సమయంలో మీకోసం.

గత ఎపిసోడ్‌లో ఏం జరిగిందంటే…భరత్ అంకిత్‌ని చంపేస్తానని అమ్ములుతో ఛాలెంజ్ చేస్తాడు. దాంతో అమ్ములు అంకిత్‌కి వీడియో కాల్ చేసి.. బయటికి వెళ్లొద్దని మాటతీసుకుంటుంది. అయితే భరత్ అంకిత్ దగ్గరకు వచ్చి మాయమాటలు చెబుతాడు. ‘రేయ్ అంకిత్.. అమ్ముల్ని నేనువదిలేస్తాని చెప్పానుగా.. నేను ఆలోచనలు మార్చుకోక ముందే పెళ్లి చేసుకుందాం అనుకుంటున్నాను. లాస్ట్ టైమ్ డ్రాయింగ్ కాంపిటేషన్‌లో చూశావుగా.. సంజనా అని నా ఫ్రెండ్. తను నన్ను లవ్ చేస్తుందని తెలిసినా.. అమ్ముల్ని పెళ్లి చేసుకుంటానని చెప్పి తనని దూరం చేసుకున్నాను. ఇప్పుడు తనని కలిసి ప్రపోజ్ చేసి.. పెళ్లి చేసుకుందాం అనుకుంటున్నాను. నువ్వు రారా..’ అంటూ అబద్దం, అమ్ములుకి ఇచ్చిన మాటను కూడా కాదనిపించి.. బయటికి తీసుకుని వెళ్తాడు. డ్రైవింగ్ చేస్తూనే దారిలో సెట్ చేసిన రౌడీతో.. ఇన్‌డైరెక్ట్‌గా ‘వస్తున్నాను పని అయిపోవాలి..(అంకిత్‌ని చంపేయాలి)’ అని చెబుతాడు.

359 ఎపిసోడ్‌లో హైలైట్స్‌…భరత్‌తో కలిసి వెళ్తున్నాడని తెలుసుకున్న అమ్ములు టెన్షన్ పడుతుంది. అయితే భరత్(పెళ్లికొడుకు) వాళ్ల చుట్టాలు అమ్ముల్ని చూడటానికి వస్తారని తెలిసిన సీనయ్య ‘నా కూతురు అందరికి చాలా అందంగా కనిపించాలి’ అనుకుంటూ అమ్ముల్ని లక్కీని తీసుకుని షాపింగ్‌కి వెళ్తాడు. అక్కడ అమ్ములు బుక్ అయిపోతుంది. అంకిత్ గురించి టెన్షన్ పడుతూనే చీర సెలక్షన్ చేస్తుంది.

Read Also:

అంకిత్‌కి సైట్ మ్యానేజర్ కాల్ చేయడంతో.. ఫోన్ మాట్లాడుతూ ఉంటాడు. మ్యానేజర్ రమ్మని పిలవడంతో.. ‘రేయ్ భరత్ దారిలో ఉన్న మా సైట్‌కి ఓ సారి పోనీరా.. మ్యానేజర్‌తో మాట్లాడాలి’ అంటూ రిక్వస్ట్ చేస్తాడు. దాంతో తప్పని స్థితిలోఅంకిత్‌ని భరత్ సైట్‌కి తీసుకుని వెళ్తాడు. అక్కడ అంకిత్ పైకి వెళ్లగా భరత్ మాత్రం కిందే వెయిట్ చేస్తాడు. అంకిత్ పని పూర్తి చేసుకుని రాగానే ఆ రౌడీ దగ్గరకు తీసుకుని వెళ్దామని అనుకుంటాడు.

అమ్ములు లక్కీకి సైగ చేస్తూ..‘వాష్ రూమ్‌కి వెళ్దాం మీ అన్నయ్యతో మాట్లాడదాం. మీ అన్నయ్యని ఇక్కడికి రమ్మను తనకి నచ్చినవి సెలెక్ట్ చేసుకుంటాను’ అని సీనయ్య చూడకుండా చెబుతుంది. దాంతో ఇద్దరూ కలిసి సీనయ్యకు దూరంగా వెళ్లి.. అంకిత్‌కి ట్రై చేస్తూ ఉంటారు. అయితే అంకిత్ ఫోన్ కారులో మరిచిపోవడంతో.. ఆ కాల్స్ భరత్ చూసి నవ్వుకుంటాడు. ‘నువ్వు(అమ్ములు) అంకిత్ గాడ్ని కాపాడాలని లక్కీతో కాల్ చేయిస్తున్నావా?’ అనుకుంటూనే పైకి వెళ్లి అంకిత్‌ని తోసెయ్యాలని ప్రయత్నిస్తాడు. అయితే అమ్ములు సీనయ్య దగ్గరకు వెళ్లి.. ‘భరత్ బాబుని రమ్మనండి నాన్న.. అతడి సెలెక్షన్ బాగుంటుంది. అతనే నా చీర సెలెక్ట్ చేస్తాడు’ అంటూ సైగలు చేయడంతో సీనయ్య భరత్‌కి కాల్ చేస్తాడు.

భరత్ ఫోన్ మోగడంతో ఆ శబ్దానికి అంకిత్ వెనక్కి తిరుగుతాడు. ‘రేయ్ భరత్ నువ్వా? ఇక్కడికి ఎందుకు వచ్చావురా?’ అంటూ ప్రశ్నిస్తాడు అంకిత్. భరత్ ఫోన్ మోగుతూనే ఉంటుంది. ‘అది ఫోన్‌రా’ అంటూ కవర్ చేస్తాడు భరత్. పక్కు వెళ్లి ఫోన్ లిప్ట్ చేయడంతో సీనయ్య బట్టల షాప్‌కి రమ్మని పిలుస్తాడు. దాంతో చేసేది లేక భరత్ అంకిత్‌ని చంపే ప్లాన్ పోస్ట్‌పోన్ చేస్తాడు. ఇంతలో కిందకి వచ్చిన అంకిత్ కారులో ఉన్న తన ఫోన్ చూసుకుని తిరిగి లక్కీకి కాల్ చేయడంతో.. లక్కీ ‘రేయ్ అన్నయ్యా నువ్వు వెంటనే బట్టల షాప్‌కి రారా.. వదిన రమ్మంది’ అంటుంది. దాంతో భరత్‌నే సాయం అడుగుతాడు అంకిత్. ‘రేయ్ అమ్ములు రమ్మందిరా.. షాప్ దగ్గర దింపుతావా?’ అని అడిగితే.. ‘నేను అక్కడికేరా.. మా మావయ్యగారు పిలిచారు.. పదా’ అంటూ చేసేది లేక బయలుదేరతాడు భరత్.

షాప్‌కి వెళ్లిన తర్వాత అమ్ములు దగ్గరకు వెళ్లిన భరత్.. ‘భలే ప్లాన్ చేసి వాడి చావుని తప్పించావే.. వాడ్ని మాత్రం వదలను’ అంటూ మళ్లీ చాలెంజ్ చేస్తాడు. సీనయ్య ముందు నటించడానికి చీరలు సెలెక్ట్ చేస్తున్నట్లు బిల్డప్ కొడుతూ. అయితే బయటే ఉన్న అంకిత్‌ని చూసుకుంటూ ‘ఏ చీర బాగుంది?’ అంటూ కళ్లతోనే సైగలు చేస్తుంది అమ్ములు. ఇటు సీనయ్యకు, అటు అంకిత్‌కి నచ్చిన చీరనే తీసుకుంటుంది అమ్ములు.

కమింగ్ అప్‌లో…సీన్ కట్ చేస్తే.. భరత్‌ని అమ్ములు భరత్ తల్లి సుమిత్ర దగ్గర బుక్ చేస్తుంది. ‘పెళ్లి అయ్యేదాకా ఎక్కడికి పోనీయొద్దని. డ్యూటీకి కూడా వెళ్లడానికి వీళ్లేదు’ అని కండీషన్ పెడుతుంది అమ్ములు. దాంతో భరత్ షాక్ అవుతాడు. అంకిత్‌ని చంపేస్తానని ఛాలెంజ్ చేసినందుకే అసలు బయటికి వెళ్లనీకుండా భరత్ తల్లి దగ్గరే భరత్‌ని ఇరికిస్తుంది అమ్ములు. ‘సరేనమ్మా.. నువ్వు చెప్పినట్లే చేస్తాడు. వాడు ఎక్కడికి వెళ్లాలన్నా నీ పర్మీషనే తీసుకుంటాడు. అలా నేను చూసుకుంటాను కదా’ అంటుంది సుమిత్ర. మరిన్ని వివరాలు తరువాయి భాగంలో చూద్దాం. మౌనరాగం కొనసాగుతోంది.

Leave comment

Your email address will not be published. Required fields are marked with *.