‘మౌనరాగం’ నవంబర్ 9 ఎపిసోడ్‌ : సీనయ్య కుటుంబానికి మరో సమస్య? ‘మెకానిక్ షెడ్..?’

తెలుగు ప్రేక్షకులని ఎంతగానో ఆకట్టుకుంటున్న (నవంబర్ 9) ఎపిసోడ్‌ హైలైట్స్‌లో ఏం జరిగిందో మీ సమయంలో మీకోసం.

గత ఎపిసోడ్‌లో ఏం జరిగిందంటే…భరత్ అంకిత్‌ని చంపడానికే తీసుకుని వెళ్తున్నాడని తెలిసిన అమ్ములు.. భరత్ ప్రయత్నాన్ని అడ్డుకోవడానికి అద్భుతమైన ప్లాన్ వేస్తుంది. సీనయ్యతో చెప్పించి.. భరత్‌ని తను ఉన్నచోటకే రప్పిస్తుంది. ‘ఎక్కడున్నా సరే భరత్‌ని షాపింగ్‌కి రమ్మనండి. నేను తను సెలెక్ట్ చేసిన చీరే తీసుకుంటాను’ అంటుంది సీనయ్యతో అమ్ములు. దాంతో సీనయ్య భరత్‌కి కాల్ చేస్తాడు. అంకిత్‌ని పైనుంచి నెట్టేయడానికి వెళ్లిన భరత్.. ఫోన్ శబ్దానికి అంకిత్ తిరిగి చూడ్డంతో అంకిత్‌ని చంపలేకపోతాడు. విషయం చెప్పి రండి బాబు అనడంతో చేసేది లేక భరత్ బయలుదేరతాడు. లక్కీ కూడా అమ్ములు కోసం షాపింగ్ మాల్‌కి రమ్మని అంకిత్‌కి కాల్ చేయడంతో చేసేది లేక భరత్ అంకిత్‌ని తీసుకుని షాప్‌కి వెళ్లాల్సి వస్తుంది.

360 ఎపిసోడ్‌లో హైలైట్స్‌…షాప్‌కి వెళ్లిన తర్వాత అమ్ములు దగ్గరకు వెళ్లిన భరత్.. ‘భలే ప్లాన్ చేసి వాడి చావుని తప్పించావే.. వాడ్ని మాత్రం వదలను’ అంటూ మళ్లీ ఛాలెంజ్ చేస్తాడు. సీనయ్య ముందు నటించడానికి చీరలు సెలెక్ట్ చేస్తున్నట్లు బిల్డప్ కొడుతూ. అయితే బయటే ఉన్న అంకిత్‌ని చూసుకుంటూ ‘ఏ చీర బాగుంది?’ అంటూ కళ్లతోనే సైగలు చేస్తుంది అమ్ములు. ఇటు సీనయ్యకు, అటు అంకిత్‌కి నచ్చిన చీరనే తీసుకుంటుంది అమ్ములు. తర్వాత భరత్‌కి షర్ట్ ఫ్యాంట్ కొని.. లక్కీని సీనయ్యని ఇంటికి పంపేసి.. భరత్ ఇంటికి భరత్‌తో పాటు వెళ్తుంది అమ్ములు.

Read Also:

అమ్ములు రావడంతో భరత్ తల్లి చాలా హ్యాపీగా ఫీల్ అవుతుంది. భరత్ తాతయ్య, భరత్ వాళ్ల డాడీ ఇద్దరూ కూడా అమ్ములుతో బాగానే మాట్లాడతారు. ఆ క్రమంలోనే భరత్‌ని.. అమ్ములు భరత్ తల్లి సుమిత్ర దగ్గర బుక్ చేస్తుంది. ‘పెళ్లి అయ్యేదాకా ఎక్కడికి పోనీయొద్దని. డ్యూటీకి కూడా వెళ్లడానికి వీళ్లేదు’ అని కండీషన్ పెడుతుంది అమ్ములు. దాంతో భరత్ షాక్ అవుతాడు. అంకిత్‌ని చంపేస్తానని ఛాలెంజ్ చేసినందుకే అసలు బయటికి వెళ్లనీకుండా భరత్ తల్లి దగ్గరే భరత్‌ని ఇరికిస్తుంది.

‘సరేనమ్మా.. నువ్వు చెప్పినట్లే చేస్తాడు. వాడు ఎక్కడికి వెళ్లాలన్నా నీ పర్మీషనే తీసుకుంటాడు. అలా నేను చూసుకుంటాను కదా’ అంటుంది సుమిత్ర. అమ్ములు చాలా పొగరుగా భరత్‌ని చూస్తూ.. తిరిగి అక్కడ నుంచి బయలుదేరుతుంది. అయితే భరత్ తాతయ్యా.. ‘ఇదిగో అమ్మాయి.. నువ్వు నాకు ఏవిషయంలో నచ్చకపోయినా.. నా మనవడ్ని కంట్రోల్‌లో పెట్టావు చూడూ.. ఆ విషయం నాకు బాగా నచ్చావ్.. ఇక నీకు తిరుగులేదు పో’ అంటాడు. దాంతో అమ్ములు బాగా నవ్వుతూ నమస్కారం పెట్టి తిరిగి ఇంటికి వచ్చేస్తుంది.

సీనయ్య, అమ్ములు కలిసి.. జోసఫ్ ఇంటికి స్వీట్స్ తీసుకుని వెళ్తారు. అమ్ముల్ని కాఫీ పెట్టమని పంపించిన జోసఫ్ తన సమస్యను సీనయ్యకు చెబుతాడు. ‘నా కూతురు చదువుకి అర్జెంట్‌గా 10 లక్షలు కట్టాలిరా.. నీ దగ్గరకు రావాలనుకున్నది కూడా అందుకే.. మీ చెల్లి ఏం అంటుందంటే.. నువ్వు షెడ్ పెట్టుకున్న స్థలం మీకే 10 లక్షలకు ఇచ్చేయమంటుంది. లేదంటే.. ఎవరైనా బయటి వాళ్లకి అమ్మమంటుంది. ఇప్పటికిప్పుడు నిన్ను ఖాళీ చేమనడం కష్టం కదా’ అంటూ మొహమాట పడతాడు.

అదంతా అమ్ములు చాటుగా వింటుంది. సీనయ్య కూడా టెన్షన్ పడుతూనే.. ‘నీ స్థలం గురించి అడగటానికి అంత మొహమాట పడతావేంట్రా? సరే నాకు రెండు రోజులు టైమ్ ఇవ్వు.. ఇప్పుడు పది రోజుల్లో నా కూతురు పెళ్లి ఉంది.. ఈ టైమ్‌లో 10 లక్షలు అంటే కష్టం. అలా అని షెడ్ ఖాళీ చేయడం అంటే ఇంకా కష్టం కానీ.. నీ కూతురు భవిష్యత్ నీకు చాలా ముఖ్యం కదా.. నువ్వు బాధపడకు నేను చూసుకుంటానులే’ అంటూ భరోసా ఇస్తాడు సీనయ్య. అంతా వింటున్న అమ్ములు బాధపడుతుంది. మరిన్ని వివరాలు తరువాయి భాగంలో చూద్దాం. మౌనరాగం కొనసాగుతోంది.

Leave comment

Your email address will not be published. Required fields are marked with *.