భారత జట్టు బ్యాటింగ్ ఆర్డర్‌లో మార్పు..? నెం.3లోకి ఫించ్ హిట్టర్

భారత జట్టు బ్యాటింగ్ ఆర్డర్‌లో మార్పులు జరిగే సూచనలు కనిపిస్తున్నాయి. వెస్టిండీస్‌తో డిసెంబరు 6 నుంచి భారత్ జట్టు మూడు టీ20లు, మూడు వన్డేల సిరీస్‌ని ఆడనుండగా.. ఈ సిరీస్‌లో టీమిండియా మేనేజ్‌మెంట్ బ్యాటింగ్ ఆర్డర్‌లో ప్రయోగాలు చేయాలని యోచిస్తోంది. ఇటీవల ఓ ఇంటర్వ్యూలో భారత కెప్టెన్ విరాట్ కోహ్లీ టీమ్ బ్యాటింగ్ ఆర్డర్‌ మార్పులపై సూచనప్రాయంగా మాట్లాడాడు. ముఖ్యంగా.. టెస్టుల్లో ఏడుగురు బ్యాట్స్‌మెన్‌లు (వికెట్ కీపర్‌తో కలిపి), ఐదుగురు బౌలర్ల కాంబినేషన్‌తో టీమిండియా తరచూ ఆడుతుండటంపై కూడా కోహ్లీ క్లారిటీ ఇచ్చాడు.

‘టీమిండియా బ్యాటింగ్ ఆర్డర్ ఇటీవల బలోపేతమైంది. ఎంతలా అంటే..? ఇప్పటి వరకూ ఆరుగురు ప్రొఫెషనల్ బ్యాట్స్‌మెన్‌లు ఉండేవారు వారికి తోడు ఒక స్పిన్నర్ (అశ్విన్ లేదా జడేజా) కూడా ఏడో స్థానంలో బ్యాటింగ్ చేసేవారు. కానీ.. దక్షిణాఫ్రికాతో సిరీస్‌ నుంచి ఉమేశ్ యాదవ్ రూపంలో మరో బ్యాట్స్‌మెన్ కూడా జాయిన్ అయ్యాడు. దీంతో.. ఆ సంఖ్య ఇప్పుడు ఎనిమిదికి చేరింది. అతడ్ని ఇకపై మూడో స్థానంలో ఫించ్ హిట్టర్‌గా బ్యాటింగ్‌కి పంపిస్తాం’ అని విరాట్ కోహ్లీ నవ్వుతూ సరదాగా చెప్పాడు.

దక్షిణాఫ్రికాతో జరిగిన రాంచీ టెస్టులో తాను ఎదుర్కొన్న తొలి రెండు బంతుల్నీ సిక్సర్లుగా మలిచిన ఉమేశ్ యాదవ్ కేవలం 10 బంతుల్లోనే 31 పరుగులు చేసి ఔరా అనిపించాడు. ఆ తర్వాత బంగ్లాదేశ్‌తో జరిగిన టెస్టు సిరీస్‌లోనూ ఉమేశ్ మెరుపులు మెరిపించాడు. దీంతో.. వెస్టిండీస్‌తో డిసెంబరు 6 నుంచి ప్రారంభంకానున్న టీ20, వన్డే సిరీస్‌‌కి కూడా ఉమేశ్ యాదవ్‌ని ఎంపిక చేశారు. మ్యాచ్‌ గమనానికి అనుగుణంగా హిట్టింగ్ అవసరమైన దశలో ఉమేశ్ యాదవ్‌ని బ్యాటింగ్ ఆర్డర్‌లో ముందుకు పంపే సూచనలు కనిపిస్తున్నాయి. ఇటీవల బౌలింగ్‌లో ఉమేశ్ అత్యుత్తమంగా రాణిస్తున్న విషయం తెలిసిందే.

Leave comment

Your email address will not be published. Required fields are marked with *.