పోలీస్ వ్యాన్‌లో ఎక్కించిన ఆర్టీసీ కార్మికురాలికి ఫిట్స్.. ఆందోళన

ట్యాంక్ బండ్‌ పైకి దూసుకొచ్చిన మహిళా కార్మికులతో పోలీసులు కనీస మానవత్వం కూడా లేకుండా ప్రవర్తించారని జేఏసీ నేతలు ఆరోపిస్తున్నారు. పోలీసులు అదుపులోకి తీసుకొని వ్యాన్‌లో తరలించిన ఓ మహిళ ఫిట్స్‌కు గురైన అంశం వివాదాస్పదంగా మారింది. సమ్మెలో భాగంగా ఆర్టీసీ జేఏసీ నేతలు ఇచ్చిన ఛలో ట్యాంక్ బండ్ కార్యక్రమానికి శనివారం (నవంబర్ 9) రాష్ట్ర వ్యాప్తంగా కార్మికులు భారీగా తరలివచ్చారు. అయితే.. నిరసన కార్యక్రమానికి అనుమతి నిరాకరించిన పోలీసులు వారిని ఎక్కడికక్కడ అడ్డుకొని అరెస్టు చేశారు.

పోలీసుల నిర్బంధాన్ని చేధించుకొని కొంత మంది మహిళలు ట్యాంక్ బండ్ పైకి దూసుకెళ్లారు. ట్యాంక్ బండ్ పైకి వెళ్లడానికి ప్రయత్నించిన పలువురు మహిళా కార్మికులను పోలీసులు అరెస్టు చేశారు. వారిని వ్యాన్‌లో ఎక్కించి ఠానాలకు తరలించారు. ఈ క్రమంలో ఓ కార్మికురాలు ఫిట్స్‌కు గురయ్యారు. ఆమె ఆరోగ్యంపై కార్మికులు తీవ్ర ఆందోళన వ్యక్తం చేశారు.

Don’t Miss:

అస్వస్థకు గురైన మహిళను కొంత మంది స్థానికుల సాయంతో ఆస్పత్రికి తరలించి చికిత్స అందించారు. సదరు మహిళ ఆరోగ్య పరిస్థితి ఆందోళనకరంగా పోలీసులు కనికరం చూపలేదంటూ తోటి కార్మికులు మండిపడ్డారు. సీఎం కేసీఆర్ కుటుంబీకులైతే ఇలాగే చేసేవారా అంటూ పోలీసులను ప్రశ్నించారు. పోలీసుల తీరుపై జేఏసీ నేతలు, విపక్షాలు తీవ్ర విమర్శలు కురిపిస్తున్నాయి.

సమ్మెలో భాగంగా ఆర్టీసీ కార్మికులు చేపట్టిన ఛలో ట్యాంక్ బండ్‌ కార్యక్రమం తీవ్ర ఉద్రిక్తతలకు దారి తీసింది. పోలీసుల నిర్బంధాన్ని చేధించుకొని.. బారీకేడ్లు, ఇనుప ముళ్ల కంచెలను దాటుకొని ఆందోళనకారులు, కొంత మంది మహిళలు ట్యాంక్ బండ్‌పైకి దూసుకొచ్చారు. వారిని పోలీసులు అడ్డుకున్నారు. ఈ క్రమంలో ఆందోళనకారులు పోలీసులపైకి రాళ్లు రువ్వారు. వారిని చెదరగొట్టడానికి పోలీసులు లాఠీఛార్జ్ చేయడంతో అక్కడ పరిస్థితి తీవ్ర ఉద్రిక్తంగా మారింది.

Also Read:

మహిళా కార్మికులతోనూ పోలీసులు అనుచితంగా ప్రవర్తించారు. లాఠీఛార్జ్‌లో పలువురు మహిళలు గాయపడ్డారు. మహిళా పోలీసులు లేకున్నా.. తమను నెట్టేస్తూ అరెస్ట్ చేశారని కొంత మంది మహిళలు ఆరోపించారు.

Leave comment

Your email address will not be published. Required fields are marked with *.