పవన్ కళ్యాణ్ అంటే అభిమానం.. ఏపీ మంత్రి ఆసక్తికర వ్యాఖ్యలు

మెగా కుటుంబానికి తాను పెద్ద అభిమానిని అన్నారు మంత్రి అనిల్‌కుమార్ యాదవ్. మొదట చిరంజీవికి ఫ్యాన్‌‌ను అని.. ఆ తర్వాత .. మొదటి నుంచి చిరంజీవిని బాగా అభిమానించేవాడినినని చెప్పారు. తర్వాత పవన్, రామ్‌చరణ్ ఇలా ఆ కుటుంబం అంటే అభిమానం ఉండేదని.. అది కూడా చదువుకునే సమయం నుంచి ఆ కుటుంబంపై ఎంతో అభిమానంగా ఉండేవాడినని చెప్పుకొచ్చారు. ఓ న్యూస్ ఛానల్‌కు ఇచ్చిన ఇంటర్వ్యూలో మంత్రి ఆాసక్తికర విషయాలు చెప్పారు.

Read Also:

రాజకీయాల్లోకి వచ్చాక కొన్ని సందర్భాల్లో పవన్‌ను వ్యతిరేకించాల్సి వచ్చిందని అనిల్ చెప్పారు. ‘సినిమాల్లో చిరంజీవి మా అన్న అని చెప్పుకొన్న వ్యక్తి (పవన్ కళ్యాణ్).. రాజకీయాల్లోకి వచ్చాక మా నాన్న కానిస్టేబుల్ అని చెప్పుకోవడం డబుల్ స్టాండ్ అనిపించింది’అని వ్యాఖ్యానించారు. ప్రతిపక్షంలో ఉన్న వైఎస్ జగన్‌మోహన్‌రెడ్డిని తిడుతూ, విమర్శలు చేసి.. అధికార పార్టీ టీడీపీలో ఉన్న చంద్రబాబును ఒక్కమాట అనకపోవడం సరికాదన్నారు మంత్రి.

పవన్ కళ్యాణ్ నిజమైన రాజకీయ నేత కాదన్నారు మంత్రి. ఐదేళ్ల రాజకీయాల్లో ఉండి తర్వాత వచ్చారని.. ధర్నాలు, రాస్తారోకోలతో సమస్యలు తీరుతాయా అన్నారు. ఇప్పుడేమో నేను ధర్నాలు చేస్తాను అంటున్నారని చెప్పుకొచ్చారు. పొంతన లేకుండా మాట్లాడటం.. కష్టపడేతత్వం లేదన్నారు. పవన్ కళ్యాణ్‌తో పొత్తు పెట్టుకోవాల్సిన అవసరం తమకు లేదని.. ‘మా పల్స్ మాకుంది.. మా లీడర్‌పై నమ్మకం ఉంది’అన్నారు.

మాజీ ముఖ్యమంత్రి, టీడీపీ అధినేత చంద్రబాబు అవకాశవాదని.. ఏ అవకాశం వచ్చినా రాజకీయాల కోసం వాడుకుంటారని అనిల్ వ్యాఖ్యానించారు. ఇక నారా లోకేష్ రాజకీయాలకు తగిన వ్యక్తి కాదని అభిప్రాయపడ్డారు. పోలవరం ప్రాజెక్ట్ విషయంలో టీడీపీలా అబద్దాలు చెప్పమని.. ఎట్టి పరిస్థితుల్లోనూ చెప్పిన సమయానికి పూర్తి చేస్తామని చెబుతున్నారు.

Leave comment

Your email address will not be published. Required fields are marked with *.