నిద్రమాత్రలు ఇచ్చి, మెడకు వైరు బిగించి.. ప్రియుడి మోజులో భర్త దారుణహత్య

నిండు ప్రాణాన్ని బలి తీసుకుంది. ప్రియుడి మోజులో ఓ మహిళ కట్టుకున్న భర్తనే కిరాతకంగా చంపేసిన ఘటన నల్లొండ జిల్లాలో జరిగింది. కొండమల్లేపల్లి మండలం చింతచెట్టు తండాకు చెందిన నేనావత్ రమేశ్(25), భార్య స్వప్నతో కలిసి కొంతకాలం క్రితం హైదరాబాద్‌కు వలస వచ్చాడు. వారి ఇంటి పక్కనే సూర్యాపేట జిల్లా మునగాలకు చెందిన నాగరాజు అనే వ్యక్తి ఉండేవాడు. ఓ అపార్ట్‌మెంట్‌‌కు వాచ్‌మెన్‌గా పనిచేసే నాగరాజుతో స్వప్నకు అక్రమ సంబంధం ఏర్పడింది.

Also Read:

ఈ విషయం తెలుసుకున్న రమేశ్ భార్యను పలుమార్లు హెచ్చరించినా ఆమె పద్ధతి మార్చుకోలేదు. దీంతో వారి మధ్య తరుచూ గొడవలు జరిగేవి. తన సంతోషానికి అడ్డొస్తున్న భర్తను ఎలాగైనా అడ్డుతొలగించుకోవాలనుకున్న స్వప్న ప్రియుడితో కలిసి ప్లాన్ వేసింది. దీపావళి సందర్భంగా స్వగ్రామానికి వెళ్లిన రమేశ్‌కు అక్టోబర్ 29న స్వప్న పెరుగులో నిద్రమాత్రలు కలిపి ఇచ్చింది. అతడు మత్తులోకి జారుకోగానే ప్రియుడు నాగరాజును రప్పించి వైరుతో మెడ బిగించి చంపేసింది.

Also Read:

తన భర్త అతిగా మద్యం తాగి చనిపోయాడని కుటుంబసభ్యులు, బంధువులను నమ్మించిన స్వప్న గుట్టుగా అంత్యక్రియలు జరిపించింది. ఆ సమయంలో ఓ వ్యక్తి రమేశ్ మృతదేహంపై అనుమానంతో ఫోటో తీశాడు. భర్త చనిపోయాడన్న బాధ లేకుండా స్వప్న విచ్చలవిడిగా బయట తిరగడంతో రమేశ్ సోదరుడిని అనుమానం వచ్చింది. దీంతో ఈ నెల 5వ తేదీన వదినపై పోలీసులకు ఫిర్యాదు చేశాడు. దీనికి తోడు రమేశ్ మృతదేహానికి సంబంధించిన ఫోటోను కూడా వారికి అందజేశాడు.

Also Read:

Leave comment

Your email address will not be published. Required fields are marked with *.