టీ20ల్లో బుమ్రా రికార్డ్‌పై కన్నేసిన చాహల్

బంగ్లాదేశ్‌తో జరుగుతున్న టీ20 సిరీస్‌లో నిలకడగా రాణిస్తున్న భారత మణికట్టు స్పిన్నర్ కెరీర్‌లో అరుదైన రికార్డ్‌కి అడుగు దూరంలో ఉన్నాడు. గుజరాత్ వేదికగా గత గురువారం జరిగిన రెండో టీ20 మ్యాచ్‌లో రెండు వికెట్లు పడగొట్టిన చాహల్ ప్రస్తుతం 49 వికెట్లతో కొనసాగుతున్నాడు. ఇక సిరీస్‌లో మిగిలిన ఆఖరి టీ20 మ్యాచ్ ఆదివారం నాగ్‌పూర్ వేదికగా జరగనుండగా.. ఈ మ్యాచ్‌లో చాహల్ మరొక వికెట్ తీస్తే..? భారత్ తరఫున అంతర్జాతీయ టీ20ల్లో 50 వికెట్ల మైలురాయిని అందుకున్న మూడో బౌలర్‌గా రికార్డ్‌ల్లో నిలవనున్నాడు.

Read More:

అంతర్జాతీయ టీ20ల్లో టీమిండియా తరఫున అత్యధిక వికెట్లు పడగొట్టిన బౌలర్ల జాబితాని ఓసారి పరిశీలిస్తే..? సీనియర్ ఆఫ్ స్పిన్నర్ రవిచంద్రన్ అశ్విన్ 52 వికెట్లతో అగ్రస్థానంలో ఉండగా.. ఫాస్ట్ బౌలర్ జస్‌ప్రీత్ బుమ్రా 51 వికెట్లతో రెండో స్థానంలో కొనసాగుతున్నాడు. ఒకవేళ చాహల్ ఆదివారం మరో వికెట్ పడగొడితే భారత్ తరఫున 50 వికెట్ల ఘనత సాధించిన మూడో బౌలర్‌, తొలి లెగ్ స్పిన్నర్‌గా నిలవనున్నాడు. అతను మూడు వికెట్లు పడగొడితే బుమ్రా, నాలుగు వికెట్లు తీస్తే అశ్విన్ రికార్డ్ కూడా కనుమరుగుకానుంది.

Read More:

వన్డే ప్రపంచకప్ తర్వాత కృనాల్‌ పాండ్య, వాషింగ్టన్ సుందర్, రాహుల్ చాహర్‌లకి వరుసగా అవకాశాలిచ్చిన భారత సెలక్టర్లు.. చాహల్‌ని కొంచెం పక్కన పెట్టారు. కానీ.. తాజాగా బంగ్లాదేశ్‌‌తో టీ20 సిరీస్‌లో రీఎంట్రీ ఇచ్చిన చాహల్ పొదుపు బౌలింగ్‌ చేస్తూ జట్టుకి అవసరమైన సమయంలో వికెట్లని అందిస్తున్నాడు.

Leave comment

Your email address will not be published. Required fields are marked with *.