టారిఫ్ చార్జీల పెంపుతో టెలికం జోరు.. దెబ్బేసిన బ్యాంకులు!

దేశీ స్టాక్ మార్కెట్ ఈ వారాన్ని ఫ్లాట్‌గానే ప్రారంభించింది. బెంచ్‌మార్క్ సూచీలు సోమవారం అక్కడక్కడే ముగిశాయి. టెలికం రంగ షేర్లు దుమ్ముదులిపాయి. టారిఫ్ చార్జీల పెంపుతో షేర్లు దూసుకెళ్లాయి. ఎనర్జీ రంగ షేర్లు కూడా జోరు చూపించాయి. అయితే ఆటో, కన్సూమర్ డ్యూరబుల్స్, బ్యాంకింగ్ హెవీవెయిట్ షేర్లలో ఒత్తిడి కొనసాగింది. దీంతో సూచీలు అక్కడక్కడే క్లోజయ్యాయి.

బెంచ్‌మార్క్ సూచీలు లాభాల్లోనే ఆరంభమయ్యాయి. అయితే తర్వాత ఇండెక్స్‌లు నష్టాల్లోకి వెళ్లిపోయాయి. మార్కెట్ ఒడిదుడుకులకు గురైంది. చివరకు సూచీలు ఫ్లాట్‌గానే ముగిశాయి. సెన్సెక్స్ 350 పాయింట్ల రేంజ్‌లో కదలాడింది. నిఫ్టీ 12,137 పాయింట్ల గరిష్ట స్థాయిని తాకింది. చివరకు సెన్సెక్స్ 8 పాయింట్ల లాభంతో 40,802 వద్ద ముగిసింది. నిఫ్టీ 8 పాయింట్ల నష్టంతో 12,048 వద్ద క్లోజయ్యింది.

Also Read:

Stock Market Highlights..
✺ నిఫ్టీ 50లో భారతీ ఎయిర్‌టెల్, జేఎస్‌డబ్ల్యూ స్టీల్, రిలయన్స్, గ్రాసిమ్, ఏసియన్ పెయింట్స్ షేర్లు లాభాల్లో ముగిశాయి. ఎయిర్‌టెల్ 4 శాతానికి పైగా పెరిగింది.

✺ అదేసమయంలో యస్ బ్యాంక్, ఐషర్ మోటార్స్, భారతీ ఇన్‌ఫ్రాటెల్, బజాజ్ ఫైనాన్స్, ఓఎన్‌జీసీ షేర్లు నష్టపోయాయి. యస్ బ్యాంక్ దాదాపు 7 శాతం పడిపోయింది.

Also Read:

✺ నిఫ్టీ‌ సెక్టోరల్ ఇండెక్స్‌లన్నీ మిశ్రమంగా క్లోజయ్యాయి. ఒక్క మెటల్ ఇండెక్స్ మినహా మిగతావన్నీ నష్టాల్లోనే ఉన్నాయి. నిఫ్టీ ఆటో, నిఫ్టీ ఐటీ, నిఫ్టీ పీఎస్‌యూ బ్యాంక్ ఇండెక్స్‌లు దాదాపు 1 శాతం పడిపోయాయి.

Also Read:

✺ అంతర్జాతీయ మార్కెట్‌లో క్రూడాయిల్ (ముడి చమురు) ధరలు పెరిగాయి. బ్రెంట్ క్రూడ్ ధర బ్యారెల్‌కు 2.41 శాతం పెరుగుదలతో 61.97 డాలర్లకు చేరింది. డబ్ల్యూటీఐ క్రూడ్ ధర బ్యారెల్‌కు 2.47 శాతం పెరుగుదలతో 56.53 డాలర్లకు ఎగసింది.

✺ అమెరికా డాలర్‌తో పోలిస్తే ఇండియన్ రూపాయి లాభాల్లో ట్రేడవుతోంది. 10 పైసలు లాభంతో 71.64 వద్ద కదలాడుతోంది.

Also Read:

Leave comment

Your email address will not be published. Required fields are marked with *.