జనగామలో హైటెక్ సెక్స్ రాకెట్.. ఆరుగురు మహిళలు, ఇద్దరు విటులు అరెస్ట్

వ్యభిచార ముఠాలు కొత్త దారులు వెతుక్కున్నట్లు కనిపిస్తోంది. చిన్న నగరాలు, పట్టణాలను టార్గెట్ చేసి గుట్టుచప్పుడు కాకుండా హైటెక్ వ్యభిచారం నిర్వహిస్తున్నారు. హైదరాబాద్ లాంటి నగరాల్లో పోలీసుల నిఘా పెరగడంతో నయా దారులు ఎంచుకుంటున్నారు. పేద కుటుంబాలకు చెందిన అమ్మాయిలకు మాయమాటలు చెప్పి వ్యభిచార రొంపిలోకి దింపుతున్నారు. ఫ్యామిలీతో అద్దెకు ఉంటామని చెప్పి ఇళ్లను కిరాయికి తీసుకొని సుదూర ప్రాంతాల నుంచి యువతులను రప్పించి వ్యభిచారం చేయిస్తున్నారు. పట్టణంలో బయటపడ్డ ద్వారా విస్తుపోయే విషయాలు వెలుగులోకి వచ్చాయి.

జనగామ పట్టణంలో హైటెక్ సెక్స్ రాకెట్ బయటపడింది. కొంత మంది మహిళలు ముఠాగా ఏర్పడి పట్టణంలో హైటెక్ సెక్స్ రాకెట్ నిర్వహిస్తున్నట్లు పోలీసుల దర్యాప్తులో వెల్లడైంది. పక్కా సమాచారంతో దాడులు నిర్వహించిన పోలీసులు.. వ్యభిచారం నిర్వహిస్తున్న ఆరుగురు మహిళలు, ఇద్దరు విటులను అరెస్టు చేసి రిమాండ్‌కు తరలించారు.

సీఐ మల్లేశ్‌ యాదవ్ తెలిపిన వివరాల ప్రకారం.. జనగామ జిల్లా కేంద్రంలోని యశ్వంతపూర్ రోడ్డుతో పాటు గిర్నిగడ్డ ప్రాంతాల్లో కొంత మంది వ్యక్తులు ఫ్యామిలీలతో ఉంటామని ఇళ్లు అద్దెకు తీసుకున్నారు. అయితే.. ఆ గృహాల్లో మహిళల ప్రవర్తనపై స్థానికులకు అనుమానం కలిగింది. వ్యభిచారం నిర్వహిస్తున్నారనే అనుమానంతో పోలీసులకు సమాచారం ఇచ్చారు.

వ్యభిచారాలకు పాల్పడుతున్నట్లు సమాచారం అందుకున్న పోలీసులు.. గురువారం (నవంబర్ 7) ప్రత్యేక నిఘా పెట్టి ఆరుగురు మహిళలు, ఇద్దరు విటులను రెడ్ హ్యాండెడ్‌గా పట్టుకున్నారు. హైదరాబాద్‌లోని కాచిగూడకు చెందిన కీర్తి మల్లీశ్వరి, మల్కాజిగిరికి చెందిన బి సుజాత.. జనగామ జిల్లా రఘునాథపల్లికి చెందిన గాదె జశ్వంత, కొడవటూరు గ్రామానికి చెందిన మణిపురం బుచ్చమ్మతో కలిసి జనగామ పట్టణంలో హైటెక్ వ్యభిచారం నిర్వహిస్తున్నట్లు పోలీసులు గుర్తించారు.

నిందితులు హైదరాబాద్‌తో పాటు ఏపీలోని రాజమండ్రి తదితర ప్రాంతాల నుంచి యువతులను రప్పించి జనగామలో కొద్ది రోజులుగా గుట్టు చప్పుడు కాకుండా వ్యభిచారం నిర్వహిస్తున్నట్లు పోలీసులు తెలిపారు. అమాయకులైన నిరుపేద అమ్మాయిలను లక్ష్యం చేసుకొని వ్యభిచార కూపిలోకి లాగి, ఈ దందాను జోరుగా సాగిస్తున్నట్లు సీఐ మల్లేశ్ తెలిపారు.

ఈ కేసులో నిందితులైన నలుగురు మహిళలతో పాటు ఎ ఆంజనేయులు, జీ నరేందర్ అనే ఇద్దరు వ్యక్తులను కూడా అరెస్టు చేసినట్లు పోలీసులు తెలిపారు. సెక్స్ రాకెట్ మూలాలు ఎక్కడెక్కడో ఉన్న నేపథ్యంలో ఘటనపై పూర్తి స్థాయిలో విచారణ జరుపుతున్నట్లు సీఐ మల్లేశ్ చెప్పారు. ఈ కేసులో మరో ముగ్గురు మహిళలను కూడా అదుపులోకి తీసుకొని విచారిస్తున్నట్లు వెల్లడించారు.

ఇల్లు అద్దెకు ఇచ్చేటప్పుడు జాగ్రత్తగా వివరాలు చెక్ చేసుకోవాలని.. ఎవరికి పడితే వారికి ఇళ్లను కిరాయిలకు ఇవ్వొద్దని పోలీసులు సూచించారు. అనుమానం వస్తే వెంటనే పోలీసులకు సమాచారం అందించాలని చెప్పారు.

Leave comment

Your email address will not be published. Required fields are marked with *.