చంద్రబాబేం అతీతులు కారు.. సాదినేని యామిని సంచలన వ్యాఖ్యలు

తెలుగుదేశం పార్టీకి గుడ్ బై చెప్పిన సంచలన వ్యాఖ్యలు చేశారు. తెలుగుదేశంలో అంతర్గత విభేదాలున్నాయని కుండబద్దలు కొట్టిన యామిని తాజాగా చంద్రబాబును ఉద్దేశించి చేసిన వ్యాఖ్యలు సంచలనంగా మారాయి. ఎన్నికల తర్వాత రాజకీయ పరిణామాలు పూర్తిగా మారిపోయాయన్న యామిని.. వ్యక్తిగత కారణాలు కూడా పార్టీ మారేందుకు కారణమని ఆమె వ్యాఖ్యానించారు.

చంద్రబాబు నాయకత్వంలో చాలా విషయాలు నేర్చుకున్నానని చెబుతూనే.. అది వ్యక్తిగత అభిమానమని యామిని స్పష్టం చేశారు. తన క్యారెక్టర్‌పై అనుచిత వ్యాఖ్యలు చేసినప్పుడు కూడా తనకు పార్టీ నుంచి నైతిక మద్దతు లభించలేదని ఆమె వాపోయారు. చంద్రబాబు పిలిచి మాట్లాడినప్పటికీ పార్టీ నేతలు మద్దతుగా నిలవలేదని ఆమె అన్నారు.

గత ఎన్నికల్లో ఎమ్మెల్యే టిక్కెట్‌ రాలేదని.. అందుకే పార్టీ మారుతున్నారని జరుగుతున్న ప్రచారంపై యామిని స్పందించారు. పదవులపై తనకు ఆరాటం లేదని ఆమె స్పష్టం చేశారు. లేకుంటే 2014 ఎన్నికల తర్వాత అధికారంలోకి రాగానే పదవి అడిగి తీసుకునేదాన్ని అని ఆమె అన్నారు. అలాగే పార్టీల పొత్తులకు నైతికత లేకుండా పోతోందని.. తిట్టిన వారితోనే కలిసిపోతున్నారని యామిని వ్యాఖ్యానించారు.

Also Read:

ప్రాంతీయ పార్టీల్లో వారసత్వ, కుల రాజకీయాల ప్రభావం ఎక్కువగా ఉంటుందని.. అది టీడీపీలోనూ ఉందంటూ యామిని అన్నారు. బంధుత్వాలు, బాంధవ్యాలకు చంద్రబాబేం అతీతుడు కాదని సంచలన వ్యాఖ్యలు చేశారు. అటువంటి చోట తన లాంటి వారికి న్యాయం జరగదని భావిస్తున్నానన్నారు. జాతీయ పార్టీల్లో అలాంటి అంశాలు ప్రభావతం చేయవన్నారు. కులాల ప్రభావం, వారసత్వ రాజకీయాలకు బీజేపీలో స్థానం లేదని.. తన లాంటి వారికి న్యాయం జరుగుతుందని భావించి ఆ పార్టీలో చేరుతున్నట్లు చెప్పారు.

ఇదిలా ఉంటే.. టీడీపీకి రాజీనామా చేసిన తరువాత యామిని పార్టీలో అంతర్గత విభేదాలున్నాయని బాంబు పేల్చారు. తాను కూడా ఇబ్బందులు ఎదుర్కొన్నానని చెప్పారు. అలాగే పార్టీ విధానాలపైనా ఆమె అసంతృప్తి వ్యక్తం చేశారు. రాష్ట్రానికి ప్రత్యేక హోదా విషయంలో టీడీపీ వైఖరి సరిగ్గా లేదని తప్పుబట్టారు. అందుకే ఎన్నికల్లో తగిన మూల్యం చెల్లించుకోవాల్సి వచ్చిందని వ్యాఖ్యానించారు. మొత్తానికి టీడీపీ మహిళా నేతగా బలమైన వాయిస్ వినిపించిన యామిని నిష్క్రమణ తెలుగుదేశానికి తీరని లోటనే చెప్పాలి.

Read also:

Leave comment

Your email address will not be published. Required fields are marked with *.