కొత్త సినిమాకు హీరోయిన్‌ను వెతకండమ్మా: ఫ్యాన్స్‌కు మహేష్ రిక్వెస్ట్

‘నా తర్వాతి సినిమాలో హీరోయిన్ ఎవరో తెలీదు. కొంచెం మీరే వెతికి పెట్టండి’ అని ఫ్యాన్స్‌ని అడుగుతున్నారు సూపర్‌స్టార్ . కెరీర్‌లో 26వ చిత్రమైన ‘సరిలేరు నీకెవ్వరు’ బ్లాక్‌బస్టర్ కా బాప్‌గా నిలిచింది. మూడు రోజుల్లోనే రూ.100 కోట్ల క్లబ్‌లో చేరేలా ఉంది. ఈ సందర్భంగా మహేష్.. దర్శకుడు అనిల్ రావిపూడితో కలిసి క్యూ అండ్ ఏ సెషన్‌లో పాల్గొన్నారు. ఫ్యాన్స్ అడిగిన ప్రశ్నలను అనిల్ రావిపూడి వింటుంటే మహేష్ టకటకా సమాధానాలు ఇచ్చారు.

ఫస్ట్ బ్లాక్ బస్టర్ కాఫీ ఇంట్లో ఎవరు చేశారు? ఎప్పుడు తాగారు?

ఇంట్లో అమ్మ చేశారు. సినిమా రిలీజ్‌కు ముందు అమ్మ చేసిన కాఫీని తాగడం నాకు చాలా ఇష్టం. సెంటిమెంట్‌గా ప్రతీ సినిమా విడుదలకు ముందు అమ్మ చేతి కాఫీ తాగుతాను.

‘తాత ఎలక కంతలో పొగ’ లాంటి కథలు మీ చిన్నప్పుడు అమ్మమ్మ ఏమైనా చెప్పారా?

చిన్నప్పుడు అమ్మమ్మ చాలా కథలు చెప్పారు కానీ ఈ ఎలకలాంటి కథను మాత్రం తొలిసారి అనిల్ రావిపూడే చెప్పారు.

సినిమాలో కృష్ణగారు అల్లూరి సీతారామ రాజు క్యారెక్టర్ చేసిన సీన్‌ చూసి మీరు ఎలా ఫీలయ్యారు?

అనిల్ రావిపూడి నాకు కథ చెప్పినప్పుడు తొలిరోజు 45 నిమిషాల పాటు కథ విన్నాను. సెకండ్ హాఫ్‌లో అల్లూరి సీతారామరాజు సీన్ ఉంది ఇప్పుడే వినాలి అని అనిల్ అన్నారు. అది విన్నప్పుడు నాకు ఒళ్లు గగుర్పొడించింది. సినిమాలో నేనే హీరో అయివుండి.. ఆ సన్నివేశం చూస్తున్నప్పుడు నాకే గూస్‌బంప్స్ వచ్చాయంటే ఆలోచించండి.

READ ALSO:

అనిల్ రావిపూడి గురించి మీ అభిప్రాయం?

హైలీ టాలెంటెడ్, ఎనర్జిటిక్, మరో పదేళ్ల పాటు గుర్తుండిపోయే దర్శకుడు.

ప్యాన్ ఇండియా సినిమా ఎప్పుడు తీస్తారు?

మనం మంచి సినిమాలు చేసుకుంటూపోతే అవే ప్యాన్ ఇండియా స్థాయికి వెళ్తాయి. అంతేకానీ ప్యాన్ ఇండియా అని అనుకుని తీయకూడదనేది నా అభిప్రాయం.

‘సరిలేరు నీకెవ్వరు’లో ‘ఖలేజా’లాంటి ఎనర్జిటిక్ మహేష్‌ని చూశాం. ఇప్పుడు ‘పోకిరి’ లాంటి మహేష్‌ని చూడాలనుకుంటున్నాం.

ఒకటిస్తే సరిపోలేదన్నమాట. ఇప్పుడే నా కంఫర్ట్ జోన్ నుంచి బయటికి వచ్చి మీకు ఏం కావాలో అది ఇచ్చాం. నన్ను ఈ సక్సెస్‌ను ఎంజాయ్ చేయనివ్వండి. మీరూ ఎంజాయ్ చేయండి.

సినిమా చూశాక కృష్ణ గారి స్పందనేంటి?
ఆయన సినిమా చూడగానే ఎంత కలెక్షన్లు రాబడుతుందో వెంటనే కరెక్ట్‌గా చెప్పేస్తారు. నేను ‘పోకిరి’ చేస్తున్నప్పుడు సినిమా 40 కోట్లు దాటుతుందని చెప్పారు. ‘సరిలేరు నీకెవ్వరు’ చూశాక అనిల్ రావిపూడిని కలవాలని ఉందని అన్నారు. ఆయన అలా చెప్పడం చాలా అరుదు.

READ ALSO:

కొండారెడ్డి బురుజుతో మీకున్న అటాచ్‌మెంట్ ఎలాంటిది?

‘ఒక్కడు’ సినిమా చేస్తున్నప్పుడు ఆ బురుజు దగ్గర మూడు రోజులు షూటింగ్ చేశాం. అప్పటి నుంచి ఆ బురుజు నాకు చాలా స్పెషల్.

సినిమాలో మీరు ఓ హిందీ పాట పాడుకుంటూ ఉంటారు. అలా మీ సినిమాలో కూడా పాడతారా?

లేదండి. అది మాత్రం కుదరదు. ఎందుకంటే ఎవరి పని వారే చేయాలి.

సితార సినిమాలోని ఏ సన్నివేశాన్నైనా ఇమిటేట్ చేసిందా?

రష్మిక క్యారెక్టర్‌ను ఇమిటేట్ చేస్తోంది. నీకు అర్థమవుతోందా అనే మ్యానరిజంను.

హార్రర్ సినిమాలో నటించే ఆలోచనలు ఏమన్నా ఉన్నాయా మహేష్?

శుభమా అని పండుగ చేసుకుంటుంటే ఇప్పుడు హార్రర్ గురించి ఎందుకు. అందరం హాయిగా ఉన్నాం కదా.

అనిల్ రావిపూడితో మళ్లీ ఎప్పుడు సినిమా చేస్తారు?

ఇప్పటికే నా చేతిలో ఓ సినిమా ఉంది. అదయ్యాక తప్పకుండా చేస్తాను. నేను, నాన్న కలిసి ఓ సినిమా చేయాలని అనుకుంటున్నాం. మాతో సినిమా తీయడం అనిల్ రావిపూడికి మాత్రమే సాధ్యం అవుతుంది.

అన్నా మీ తర్వాతి సినిమాలో హీరోయిన్ ఎవరు?

తెలీదండి. కుదిరితే మీరే వెతికిపెట్టండి.

మీరు చేసిన ఇతర సినిమాలతో పోలిస్తే ‘సరిలేరు నీకెవ్వరు’కు ఎంత రేటింగ్ ఇస్తారు?

నేను ఇప్పటివరకు చేసిన సినిమాలన్నీ ఓ ఎత్తు. సరిలేరు నీకెవ్వరు మరో ఎత్తు.

‘మైండ్ బ్లాక్’ సాంగ్‌లో డ్యాన్స్ ఇరగదీశావ్. మళ్లీ ఇలాంటి పాటలో ఎప్పుడు నటిస్తావ్?

డైరెక్టర్ నాకు మామూలు ఫిట్టింగ్ పెట్టలేదు. ఈ పాట హిట్టయింది కాబట్టి ఇక ప్రతీ సినిమాలో అలాంటి పాట డ్యాన్స్ ఎక్స్‌పెక్ట్ చేస్తారు.

మీ సినిమాలన్నింటికీ శేఖర్ మాస్టర్‌ని కొరియోగ్రాఫర్‌గా ఫిక్స్ చేసేయండి
తప్పకుండా. నేను చేసే సినిమాలో కచ్చితంగా రెండు పాటలకు శేఖర్ మాస్టరే కొరియోగ్రఫీ చేస్తారు.

Leave comment

Your email address will not be published. Required fields are marked with *.