‘కార్తీకదీపం’ నవంబర్ 9 ఎపిసోడ్ : సౌర్యకి మౌనిత గేలం.. ‘నా హాస్పెటల్‌లోనే పుట్టిందిగా’

తెలుగు ప్రేక్షకులను ఎంతగానో ఆకట్టుకుంటున్న‘కార్తీకదీపం’ సీరియల్ నేటి (నవంబర్ 9) రాత్రి ఎపిసోడ్‌లో ఏం జరగనుందో ‘సమయం’లో మీకోసం ముందుగానే.

గత ఎపిసోడ్‌లో ఏం జరిగిందంటే..దీపలా క్యారేజ్‌లు తీసుకుని సౌందర్య స్కూల్‌కి వెళ్తుంది. అవి పంచి ఇవ్వమంటూ హిమ, సౌర్యలకు అప్పగిస్తుంది. అయితే ఆ సీన్ మొత్తం కార్తీక్ కంట పడుతుంది. సౌందర్య మీద కోపంతో దారి తప్పి వెళ్లిపోయిన కార్తీక్ మధ్యలో ఆగి ఆలోచనలో పడతాడు. ‘బాగా డిస్ట్రబ్ చేస్తున్నారు. మమ్మీ(సౌందర్య) అలా బాక్స్‌లు తీసుకుని రావడం, ఆ దీప హాస్పెటల్‌లో ఓవర్ యాక్షన్.. ఏంటి ఇదంతా? అసలు రెండూ యాదృచ్చికమా లేక ప్రీప్లాన్డా? లాభంలేదు.. దీనికి ఏదో పరిష్కారం ఆలోచించాలి. లేదంటే నేను ఏం అయిపోతానో నాకే అర్థం కావట్లేదు’ అనుకుని ఇంటికి బయలుదేరతాడు కార్తీక్.

648 ఎపిసోడ్‌లో హైలైట్స్‌..దీప కార్తీక్‌లు కలిసి మాట్లాడుకోవటం, గొడవలన్నీ మరిచిపోయి చిలిపిగా నవ్వుకోవడం అంతా మౌనిత చూసి.. తలనొప్పితో పని మనిషి ప్రియమణితో తలకు కాపడం పెట్టించుకుంటుంది. అయితే ప్రియమణి పిచ్చి మాటలకు మౌనిత కోపంతో ఊగిపోతుంది. అయితే ప్రియమణి కూల్ చేస్తూ.. ‘అమ్మా.. కార్తీక్ బాబు, దీప తాత్కాలికంగా కలిసినా.. వాళ్ల మధ్య ఉన్న గొడవలు పోవమ్మా.. ఒక్కాసారి మగాడికి అనుమానం కలిగిందంటే చాలు అది జీవితాంతం ఉంటుంది. మీరేం భయపడకండి’ అని చెబుతుంది.

Read Also:

సౌందర్య ఇంటికి వెళ్లి టెన్షన్ పడుతుంది. కార్తీక్ వస్తే రచ్చ చేస్తాడండీ… వంటలక్కలా బాక్స్‌లు తీసుకుని స్కూల్‌కి వెళ్లాను. అది వాడు చూసేశాడండీ’ అని భర్త ఆనందరావుకి చెప్పి టెన్షన్ పడుతుంది. సౌర్య దీపని నిలదీస్తుంది. ‘అమ్మా నేను ఏ హాస్పెటల్‌లో పుట్టాను? నా బర్త్ సర్టిఫికెట్ ఎక్కడుండి?’ అంటూ ఆరాలు తీస్తుంది. సరిగ్గా అప్పుడే.. క్యారేజ్ బాక్స్ తీసుకుని ఇంట్లో అడుగు పెట్టిన మౌనిత.. ‘నువ్వు హాస్పెటల్‌లో పుట్టావో నాకు తెలుసు బంగారం’ అంటుంది మౌనిత. దీప షాక్ అవుతుంది. అయిష్టంగా చూస్తుంది. ఇంతలో లోపలికి వచ్చిన మౌనిత.. ‘ఆ విషయం నేను చెబుతానులే కానీ.. నువ్వు వెళ్లి ఈ క్యారేజ్ బాక్స్ తీసుకుని తిను. ఇందులో నీకు ఇష్టమైన చికెన్ కర్రీ ఉంది’ అంటూ లోపలికి బలవంతంగా పంపిస్తుంది.

Read Also:

సౌర్య వెళ్లడంతో.. ‘ఏంటీ ఈ డబ్బావాలా పని? నా కూతురేమీ హిమలా అమాయకురాలు కాదు’ అంటుంది మౌనితతో దీప. ‘నేను కూడా నీలా అమాయకురాలిని కాదు దీపాా.. అయినా నీ కూతురు నాన్న గురించి అడుగుతుందనకుంటా? చెప్పేయొచ్చుగా?’ అంటుంది మౌనిత కూర్చుని కాలు మీద కాలు వేసుకుని పొగరుగా. ‘అది నీకు అనవసరం’ అంటుంది దీప. ‘నన్ను చెప్పమంటావా?’ అంటుంది మౌనిత. ‘అది నీకు అవసరం లేదుగా?’ అంటుంది దీప. ‘అవునూ.. సౌర్య నా హాస్పెటల్‌లోనే పుట్టిందిగా.. అసలు ఆ రోజే నిన్ను ఆ ఇన్‌జెక్షన్ ఇచ్చి చంపేసి ఉంటే.. ఈ రోజు ఈ సమస్య ఉండేదే కాదు’ అంటుంది మౌనిత ఆవేశంగా.. ‘ఎవరు చచ్చినా డాక్టర్ బాబు నిన్ను మాత్రం పెళ్లి చేసుకోడు’ అంటుంది దీప నవ్వుతూ.

Read Also:

‘ఏది ఏమైనా కార్తీక్ నావాడే అవుతాడు’ అన్న మౌనిత మాటలకు.. ‘నా భర్త నాకే సొంతమవుతాడు’ అంటూ బదులిస్తుంది దీప. ఈ వాధన పూర్తి కాకుండానే సౌర్య రావడంతో.. ‘కూర ఎలా ఉంది సౌర్య?’ అంటుంది మౌనిత నవ్వుతూ.. ‘కాకరకాయ కూరలా ఉంది. ఉప్పు ఎక్కువైంది’ అంటుంది సౌర్య. దాంతో దీప నవ్వుతూ.. ‘అందుకే ఎవరు చేయాల్సిన పనులు వాళ్లే చేయాలి’ అంటుంది. మౌనిత కోపంగా చూస్తూ.. ‘అందుకే ఇక నుంచి నేను చేయాల్సిన పని నేను చేసి చూపిస్తాను’ అంటూ బయలుదేరుతుంది. వెంటనే దీప.. ‘అవునా.. మంత్రగత్తె పనులా? మంత్రసాని పనులా?’ అంటూ సెటైర్ వేస్తుంది.

సౌందర్య అండ్ కో బ్యాచ్ తినడానికి కూర్చుంటారు. హిమ వెళ్లి కార్తీక్‌ని తీసుకొస్తుంది. అయితే సౌందర్య (స్కూల్‌కి క్యారేజ్‌లు తీసుకుని వెళ్లిన విషయం గురించి) టెన్షన్ పడుతూ ఉంటుంది. అయితే హిమే ఆ విషయం కార్తీక్ ముందు గుర్తు చేయడంతో.. సౌందర్య టెన్షన్ మరింత పెరిగిపోతుంది. అయితే కవర్ చేసుకుంటూ.. ‘ఈ రోజు వంటలక్క నీకు(కార్తీక్) చాలా హెల్ప్ చేసిందటగా..? దొంగ నీ పర్స్ దొంగతనం చేస్తుంటే వాడ్ని కొట్టి కేసు అయినా ఫర్వాలేదు అందటగా? ఎంత మంచిది దీపా? అందుకే అలా చేసింది.. తనే ఫోన్ చేసి క్యారేజ్‌లు ఇవ్వడం కష్టం.. మీరు హెల్ప్ చేయండి అని అడిగితే.. నేను మాలతీ కలిసి వండి తీసుకెళ్లాను. తను నీకు అంత హెల్ప్ చేస్తే నేను ఆ మాత్రం హెల్ప్ చేయలేనా?’ అంటూ ఏదేదో చెప్పి హిమ దగ్గర దీప మీద మంచి ఒపీనియన్ వచ్చేలా మాట్లాడి.. కార్తీక్ కోపం నుంచి తప్పించుకుంటుంది సౌందర్య.

హిమ ఉన్నట్టుండి.. ‘నేను ఎక్కడ పుట్టాను? నా బర్త్ సర్టిఫికెట్ ఎక్కడుంది?’అంటూ ఆరాలు తీస్తుంది. కాస్త టెన్షన్ పడిన అందరూ.. కవర్ చేయడానికి ప్రయత్నిస్తారు. అదే ప్రయత్నంలో కార్తీక్.. ‘నువ్వు మన హాస్పెటల్‌లోనే పుట్టావమ్మా.. అయినా ఇలాంటి ఆలోచనలు నీకు ఎందుకు వస్తున్నాయి?’ అంటాడు. ‘నాకు కాదు డాడీ.. మన సౌర్యకి వస్తున్నాయి. తను వాళ్ల డాడీ కోసం వెతుకుతుంది కదా.. అందుకే ఈ ఆలోచనలు వస్తున్నాయట’ అని చెబుతుంది. ‘వాళ్ల నాన్న రాడు.. లేడు కూడా.. తనని వాళ్ల నాన్న కోసం ఎదురు చూడొద్దని చెప్పమ్మా’ అంటాడు కార్తీక్ అసహనంగా.. మరిన్ని వివరాలు తరువాయి భాగంలో చూద్దాం.. కొనసాగుతోంది.

Leave comment

Your email address will not be published. Required fields are marked with *.