ఒడిశాలో రైలు ప్రమాదం.. 50మందికిపైగా ప్రయాణికులకు..

ఒడిశాలో పెను ప్రమాదం తృటిలో తప్పింది. నిర్గుండి సమీపంలో ఎల్టీటీ ఎక్స్‌ప్రెస్‌కు ప్రమాదం జరిగింది.. ఆరు బోగీలు పట్టాలు తప్పవాయి. ఈ ప్రమాదంలో 50మందికిపైగా ప్రయాణికులకు గాయాలు అయ్యాయి.. హుటా హుటిన వీరిని దగ్గరలోని ఆస్పత్రికి తరలించారు. గాయపడినవారిలో కూడా పలువురి పరిస్థితి విషమంగా ఉందని డాక్టర్లు చెబుతున్నారు.

రైలు ప్రమాదం గురించి సమాచారం అందుకున్న సిబ్బంది ఘటనాస్థలికి చేరుకొని సహాయక చర్యలు చేపట్టారు. పొగమంచు కారణంగానే ఈ ప్రమాదం జరిగినట్లు రైల్వే అధికారులు ప్రాథమికంగా నిర్ధారణకు వచ్చారు. ఈ ఎల్టీటీ ఎక్స్‌ప్రెస్ ముంబై నుంచి భువనేశ్వర్ వస్తుండగా ప్రమాదం జరిగింది.

రైలు పట్టాలు తప్పడంతో ఆ మార్గంలో వెళ్లే రైళ్ల రాకపోకలకు అంతరాయం ఏర్పడింది.. ప్రయాణికులు తీవ్ర ఇబ్బందులు పడుతున్నారు. పట్టాలు తప్పిన బోగీలను తొలగించే పనిలో ఉన్నారు రైల్వే సిబ్బంది. ప్రయాణికులు గాయాలతో బయటపడటంతో అధికారులు కూడా ఊపిరి పీల్చుకున్నారు. మరోవైపు రైల్వే మంత్రి పీయూష్ గోయల్ ప్రమాదంపై ఆరా తీశారు.

Leave comment

Your email address will not be published. Required fields are marked with *.