ఎప్పట్నుంచో ఊరిస్తున్న Poco F2.. ఎప్పుడు రానుందో తెలుసా?

స్మార్ట్ ఫోన్ ప్రియులందరూ ఎప్పట్నుంచో ఎదురు చూస్తున్న ఫోన్ రాకకు రంగం సిద్ధమవుతుందా? ప్రస్తుతం జరుగుతున్న పరిణామాలను చూస్తే ఈ ఫోన్ మన ముందుకు వచ్చేందుకు ఎంతో ఎక్కువ సమయం తీసుకోదేమో అనిపిస్తుంది. దీనికి సంబంధించిన కేస్ లు స్పైజెన్ అనే ప్రముఖ వెబ్ సైట్ లో కనిపించాయి. అయితే పోకో ఎఫ్2తో పాటు, పోకో ఎఫ్2 ప్రోకు సంబంధించిన కేసులు కూడా కనిపించడం దీనిపై మరింత ఆసక్తి రేపుతుంది. ఈ రెండు కేసుల ధరలు 19.99 డాలర్లు గానూ, 24.99 డాలర్లుగానూ ఉన్నాయి.

Also Read:

దీనికి సంబంధించిన లీకులు మొదటగా 91Mobiles వెబ్ సైట్ లో కనిపించాయి. స్పైజెన్ వెబ్ సైట్ లో కనిపించిన ఈ కేసులను జాగ్రత్తగా చూస్తే ఈ ఫోన్ల డిజైన్ రెడ్ మీ కే20, కే20 ప్రోని పోలి ఉన్నట్లు గమనించవచ్చు. వాటి మాదిరిగానే ఇందులో కూడా పాపప్ సెల్ఫీ కెమెరాలు అందించనున్నట్లు ఈ డిజైన్ ద్వారా తెలుస్తోంది. ఈ డిజైన్ ను గమనిస్తే ఈ ఫోన్లు ట్రిపుల్ కెమెరాతో రానున్నట్లు తెలుస్తోంది. కాబట్టి రెడ్ మీ కే20, కే20 ప్రోలకే మార్పులు చేసి పోకో ఎఫ్2గా షావోమి విడుదల చేయనున్నట్లు తెలుస్తోంది.

Also Read:

పోకో ఎఫ్1 పెద్ద సక్సెస్ కావడానికి కారణం అందులో అందించిన అద్భుతమైన ఫీచర్లతో పాటు దాని ధర కూడా. దానికి షావోమి కట్టుబడి ఉంటే ఈ ఫోన్ కూడా కచ్చితంగా సక్సెస్ అవుతుంది. 2018 ఆగస్టులో పోకో ఎఫ్1 మొదటిసారి లాంచ్ అయినప్పుడు క్వాల్ కాం స్నాప్ డ్రాగన్ 845 ప్రాసెసర్ ను కలిగి ఉన్న ఫోన్లలో అన్నిటి కంటే చవకైన ఫోన్ అదే. ఇప్పటికీ దాని కంటే చవకైన ధరలకు ఈ ప్రాసెసర్ ను కలిగి ఉన్న ఫోన్ ను ఎవ్వరూ లాంచ్ చేయలేదు.

పోకో ఎఫ్2 మార్కెట్లోకి వస్తే.. కచ్చితంగా క్వాల్ కాం స్నాప్ డ్రాగన్ 855+ ప్రాసెసర్ తోనే వస్తుందని టెక్ నిపుణులు అంచనా వేస్తున్నారు. ఎందుకంటే.. పోకో ఎఫ్1 లాంచ్ అయినప్పుడు స్నాప్ డ్రాగన్ 845 ప్రాసెసర్ మార్కెట్లో ఉన్న అత్యుత్తమ ప్రాసెసర్. అదే సాంప్రదాయాన్ని ఇప్పుడు కూడా కొనసాగిస్తే ఇప్పుడు మార్కెట్లో ఉన్న అత్యుత్తమ ప్రాసెసర్ అయిన స్నాప్ డ్రాగన్ 855+తోనే రావాలి. కాబట్టి ఆ సాంప్రదాయాన్ని షావోమి ఈ ఫోన్ విషయంలో కూడా కొనసాగిస్తే మంచిది.

Also Read:

ఇక ఈ ఫోన్ కు సంబంధించిన ధర, మిగతా ఫీచర్ల గురించిన వివరాలు ఇంతవరకు ఏమీ తెలియరాలేదు. దీనికి సంబంధించిన లీకులు కూడా ఇంతవరకు ఎక్కువగా బయటకు రాలేదు. అయితే ఈ సంవత్సరమే ఈ ఫోన్ విడుదలయ్యే అవకాశం కూడా ఉందని సమాచారం. కాబట్టి అతి త్వరలోనే మనం పోకో ఎఫ్2కు సంబంధించిన గుడ్ న్యూస్ వినే అవకాశం ఉంది.

Leave comment

Your email address will not be published. Required fields are marked with *.