ఆ మూడు ప్లాన్ల వ్యాలిడిటీని తగ్గించిన BSNL.. వినియోగదారులకు బ్యాడ్ న్యూస్!

ప్రస్తుతం ఉన్న టాప్ టెలికాం సంస్థల్లో ధరలను పెంచనిది కేవలం ప్రభుత్వ రంగ టెలికాం సంస్థ అయిన మాత్రమే. మిగతా నెట్ వర్క్ లు అన్నీ తమ టారిఫ్ లను 40 శాతం వరకు పెంచాయి. కానీ బీఎస్ఎన్ఎల్ మాత్రం ధరలను పెంచలేదు. అంతేకాకుండా తన ప్లాన్ల ద్వారా వినియోగదారులకు భారీస్థాయిలో డేటా లాభాలను అందిస్తోంది. కానీ అదే సమయంలో కొన్ని ప్లాన్ల వ్యాలిడిటీని భారీగా తగ్గిస్తోంది. ప్రస్తుతం బీఎస్ఎన్ఎల్ మూడు ప్లాన్లకు సంబంధించిన వ్యాలిడిటీని సగానికి పైగా తగ్గించింది.

Also Read:

టెలికాం టాక్ అందించిన సమాచారం ప్రకారం రూ.74 ప్లాన్ వ్యాలిడిటీ గతంలో 180 రోజులుగా ఉండేది. దీని వ్యాలిడిటీని 90 రోజులకు తగ్గించారు. దీంతో పాటు 2 జీబీ హైస్పీడ్ డేటా, 100 నిమిషాల వాయిస్ కాలింగ్ లాభాలు లభించనున్నాయి. ఈ అదనపు లాభాల వ్యాలిడిటీ 15 రోజులు మాత్రమే. రూ.75 ప్లాన్ వ్యాలిడిటీ కూడా రూ.74 ప్లాన్ తరహాలోనే 180 రోజుల నుంచి 90 రోజులకు వచ్చేసింది. 10 జీబీ డేటా, అన్ లిమిటెడ్ కాలింగ్ కూడా లభించనుంది. ఈ అదనపు లాభాల వ్యాలిడిటీ కూడా 12 రోజులుగానే ఉంది.

Also Read:

ఇక రూ.153 ప్లాన్ విషయానికి వస్తే.. దీని వ్యాలిడిటీ కూడా 180 రోజుల నుంచి 90 రోజులకు వచ్చింది. రోజుకు 1.5 జీబీ డేటా, అన్ లిమిటెడ్ వాయిస్ కాలింగ్, ప్రతి రోజూ 100 ఎస్ఎంఎస్ లు వంటి అదనపు లాభాలు 28 రోజుల పాటు లభించనున్నాయి. తగ్గించిన వ్యాలిడిటీతో ప్లాన్లు ఇప్పటికే అందుబాటులో ఉన్నాయి. అయితే ఈ మార్పులు ప్రస్తుతానికి కొన్ని సర్కిళ్లకే పరిమితమయ్యాయి. త్వరలో మిగతా సర్కిళ్లలో కూడా ఈ మార్పులు జరిగే అవకాశం ఉంది.

Also Read:

బీఎస్ఎన్ఎల్ గత నెలలోనే కేరళలో రూ.118, రూ.187, రూ.399 ప్లాన్ల వ్యాలిడిటీని తగ్గించింది. వీటితో పాటు రూ.29, రూ.47 ప్లాన్ల వ్యాలిడిటీని కూడా బీఎస్ఎన్ఎల్ తగ్గించింది. అయినప్పటికీ బీఎస్ఎన్ఎల్ అన్ని సర్కిళ్లలో వినియోగదారులను ఆకర్షించే ప్లాన్లు ఎన్నో ఉన్నాయి. మిగతా టెలికాం ఆపరేటర్ల కంటే తక్కువ ధరకే అధిక డేటాను అందించడం బీఎస్ఎన్ఎల్ కు అతి పెద్ద ప్లస్ పాయింట్. వీటితో పాటు వినియోగదారులను ఆకర్షించే ఎన్నో ప్లాన్లను కూడా బీఎస్ఎన్ఎల్ అందిస్తోంది.

Leave comment

Your email address will not be published. Required fields are marked with *.